藝人林峯與女友吳千語愛得癡纏又高調，日前千語BB出席活動時透露感冒在身要避免與男友接觸，免得傳染他；言猶在耳，昨日二人就恩愛拍拖看藝術展，BB帶病陪伴左右，難怪林峯全程護駕，看來病菌也阻隔不了他們！
吳千語帶病陪睇展覽，林峯自然小心呵護女友。
一連數天的巴塞爾藝術展首度在香港舉行，連日來吸引不少名人明星如劉嘉玲等前往欣賞，昨日就有林峯與女友吳千語恩愛現身。下午三時許，林峯一身樸素打扮，與穿着熱褲騷長腿的千語BB拍拖到場。由於千語BB只薄施脂粉，故當發現記者時就馬上戴上墨鏡，林峯見狀立即護駕說：「我哋嚟行街咋喎，睇吓嘢。」日前千語帶病出席活動，記者慰問她康復了沒？林峯即搶答說：「好番好多啦，（咁係咪錫得？）講呢啲！」說時一臉甜蜜。記者笑問女友將開拍愛情片，會否介意有親熱鏡頭？他笑說：「都係做嘢啫﹗」問到二人會否一起學藝術？他續說：「嚟睇下啦，今次咁大型，（學手作DIY送畀千語？）還番晒畀先生啦！」此時千語踢爆他懂得畫畫。林峯全程man爆代答，羨煞旁人！
王宝宝表示單身，懶理被人指假分手。
王宝宝冇諗翻撻
同場還有藝人王宝宝，她為藝術展覽內一個香檳牌子擔任講解工作。對於近日有報道拍得她跟李思捷逛超市而被指假分手？她沒好氣地說：「成日都有人咁講啦，一齊又話分手，分手又話一齊，咁行超市都好正常啫，依家做朋友幾開心，（有冇翻撻可能？）暫時冇諗，總之依家單身，（你成日同佢一齊會嚇怕追求者？）如果係就大膽啲啦，直接問我。」她又透露其自資的微電影將於下月三日舉行小型首映會，現時微電影剪到三分鐘長，並會保留她穿性感三點式追電車的一幕，還笑言近日多了比堅尼的工作。
from:
http://orientaldaily.on.c ... /00282_057.html
