成日話林峯係少爺仔，不過佢拍動作戲又唔會姐手姐腳，當日攞住條搭棚竹當棍舞都似模似樣，嚇得吓人。
最近FBI行開旺角，經過一條冷巷聽到鬼殺咁嘈，入去睇吓咩事，原來chok峯同佘詩曼拍緊新劇《使徒行者》。
當日拍一場劈友戲，講chok峯一打七，十足《戰狼300》。雖然拍戲只係用假刀假棍，不過FBI發現當班武師知道係chok峯，事前都好緊張，仲問chok峯使唔使戴護臂？Chok峯好型咁話：「唔使啦！」點知正式roll機，有位武師唔小心，一棍打落chok峯哥耳仔度，峯哥真係忍唔住痛到叫咗出嚟，不過峯哥繼續keep住型話：「冇事，冇事！」呢啲咪專業囉。
打中耳仔就係呢下喇，峯哥被武師大哥一棍打中耳仔，好彩係假棍（發泡膠製成）。
阿佘重返無綫首套劇集，就係夥拍同佢傳過緋聞嘅林峯，劇中佢會同林峯山生入死，有唔少動作場面。
雖然峯哥被擊中，不過佢依然好識搞氣氛，鏡頭後成日都氹阿佘大笑，不過千語BB應該唔會咁易呷醋嘅。
拍完打戲，二人專心睇playback。劇中林峯飾演古惑仔，髮型十足都敏俊，啱啱由外星到地球咁梳齊蔭。
撰文、
