葉翠翠等閃婚

已經31歲嘅葉翠翠同28歲嘅高鈞賢之前傳過緋聞，不過近日高鈞賢甩拖，翠翠雖然日前被本報拍得約會中年闊少，但佢又話對方唔係男友，咁兩顆寂寞的心會唔會又來電呢。

前晚佢哋同商天娥、張繼聰到將軍澳出席無綫新節目《演嘢》嘅記者會，兩人即被司儀擺緋聞上枱，又要佢哋拖手合照，搞到高鈞賢尷尬得面紅紅。事後佢哋接受訪問時都有啲打情罵俏feel，翠翠大呻唔少朋友都怕咗約佢，佢講笑話知高鈞賢啱啱失戀，打趣叫佢可以考慮吓自己，但又覺得對方唔會為自己放棄整個森林喎，佢話：「就算有其他追求者想追都要三思，或者考慮吓高鈞賢啦。再咁搞識唔到男仔，冇乜男仔敢約我，擔心自己嫁唔出，我都等緊搵男朋友，就算閃婚都唔介意。」

高鈞賢唔敢追

而高鈞賢就似乎未夠膽對翠翠展開追求，又話：「佢畀我追先得，同佢係好朋友，好熟，如果有機會會追佢，不過要努力工作先可以追到咁高質素嘅女仔。我唔介意年紀大過自己嘅女仔，女友獨立啲最好。」

葉翠翠同高鈞賢嘅緋聞傳咗好耐，前晚兩人嘅緋聞仲俾人擺上枱。

日前本報拍到葉翠翠同中年闊少「同車」，不過翠翠就否認對方係男友。商天娥同張繼聰合作主持《演嘢》，兩人即場鬥頂大氣球。
from:http://hk.apple.nextmedia ... 130223/18173837

緋聞情侶葉翠翠及高鈞賢（Matthew）前日出席由張繼聰及商天娥所主持的無綫節目《演嘢》之宣傳活動時，被慫恿站在一起，翠翠大方主動翹男方的手，相反Matthew卻顯得十分害羞。翠翠後來自爆Matthew有約她活動後晚餐，問她擇偶條件時，她說：「想搵到個對自己好嘅，仲要唔怕被人影，我都怕嫁唔去，唔介意閃婚！」。

翠翠大方主動翹男方的手。

至於剛剛甩拖的Matthew自言未敢追翠翠：「我要努力多幾年先，呢啲咁High Quality（高質素）嘅女仔都難追嘅，不過我哋好夾，又係同一年選（香港先生及香港小姐），又同一年斷腳。」
from:http://orientaldaily.on.c ... /00282_022.html