溫拿是太極的壓軸嘉賓，其間阿倫和阿B興奮得到台下跟觀眾握手。
太極樂隊一連兩場「The Mega Hit」30周年演唱會香港站前晚圓滿結束，尾場嘉賓陣容鼎盛，7位嘉賓排隊出場，打頭陣有林子祥與太極合體激唱《真的漢子》和《敢愛敢做》，阿Lam還以羨慕的口脗，大讚太極兄弟情夠深厚，阿Lam說：「30年搵個朋友都唔易，更何況夾band30年。」
黃秋生被熱情觀眾搞到入不到戲。
阿Lam（左）大讚太極多年感情未變。
太極夾band30年，6兄弟感情深厚。
阿倫爛Gag搞笑
黃秋生All Back頭配黑超chok爆現身，全場勁爆掌聲雷動10分鐘，有人台下高呼「袋住先」。秋生台上自導自演太極的故事，但觀眾的熱情令影帝難以入戲，他說：「我做戲咁耐都未試過，好似𠵱家咁入唔到戲。」他之後高唱rock版《Stand By Me》現場氣氛再次高漲。
氣管發炎的陳慧嫻前晚帶病上陣，她台上自嘲早太極一年入行，身材保持20歲，跟太極合唱《跳舞街》和搖滾版《儍女》，令人耳目一新；溫拿四虎譚詠麟（阿倫）、鍾鎮濤（阿B）、彭健新和陳友壓軸出場，為後輩太極打氣，阿倫爛gag笑爆全場，他在台上說：「今晚氣氛好好，紅色私家車唱咗未？我聽到首歌叫《風濕》（《無盡風沙》）。」
唱出最後一首歌《留住我吧》，主音雷有輝（Patrick）感動落淚，以手機拍下感動畫面留念。完騷後接受訪問，Patrick被指流下男兒淚，他說：「係呀！呢啲位最容易感動，今晚嘉賓多，有兩首冧歌cut咗，成班人都係朋友，唔係嘉賓，真係個個都咁勁。」對哥哥雷有曜未能出席會否感到可惜？Patrick說：「唔緊要，或者可能下次。」
採訪：馬建華
攝影：仇志德
from:
http://hk.apple.nextmedia ... 150602/19168461
