拉麵店愈開愈多，烏冬同樣是日本庶民美食，專門店卻一直少有，香港飲食集團開設的連鎖店又不夠正宗。丸龜製麵是日本最大讚岐烏冬店，全球包括日本、泰國及中國有超過七百間分店。全線分店都採用自助快餐形式，自己點菜、夾配料、加調味先埋單，減省成本又唔使加一，分中碗（260克）及大碗（390克），來到香港，平均只需$25及$35，仲平過日本定價！價錢實惠但細節做得嚴謹，有五名工作人員曾往日本學師六星期，包括老闆之一，日本文化寫作人林慧美，更有日本師傅駐場監督，確保做法及味道都似足本店。烏冬用指定麵廠的麵團，在店內用機器壓成麵餅、切成烏冬，煮約十三至十四分鐘，再過兩次冷河，令質感煙韌有彈性。用來煮烏冬的水經過過濾，務求做到地道讚岐烏冬風味。
製烏冬的步驟跟日本店一樣，由師傅在開放式廚房即切即煮，煮熟後每條粗4.8毫米，才符合標準。
店內裝修與日本店一模一樣，開放式廚房設計，見到師傅煮烏冬或炸天婦羅。款式偏向簡單，清湯、醬油或雞蛋烏冬等共十一款可選，多配葱花及薑茸同吃，另有三款丼物，比日本店還多了三款選擇。加埋天婦羅、自製飯團等小食，埋單四十蚊，換來身處日本的錯覺，抵番啦。
烏冬配料不多，想加料可另點天婦羅，有大蝦、野菜、南瓜及溏心蛋等，每件$6至$15。
豚骨湯烏冬$35/中、$40/大
香港獨家款式，湯底用豬骨、雞骨及蔬菜熬成，味道清甜不膩，配上豬肉及雞蛋，一定夠飽。
明太玉子拌烏冬$38/中、$43/大
熱烏冬配上明太子及馬來西亞雞蛋，淋上一湯匙鰹魚醬油拌勻吃，味帶鹹香，連碗也先用熱水沖熱，細心。
釜揚烏冬$25/中、$30/大
釜揚烏冬是日本傳統食法，煮麵時間較短，不經過冷河，質感會較順滑軟身，容易吸收醬油。
丸龜製麵地址：尖沙咀彌敦道63號iSQUARE 6樓609號鋪電話：3583 0880營業時間：11:30am-11pm
撰文：張頌婷
攝影：譚旭堯
