■金牛座的何韻詩無論外觀或行為上有時比男人更man，甚至穿上「BOYS」的衫，但她仍有女性憧憬結婚的一面。
一首《勞斯萊斯》道盡何韻詩一顆攣攣的心—「為何還害怕若覺得這樣愛尚在計算他又是誰，可否愛，旁人哪個接受這種愛，明明絕配，犯眾憎便放開，永遠的忍耐，永遠不出來，世界將依然不變改，只會讓更多罪名埋沒愛……」
曾經偷偷摸摸戀愛阿詩沒埋怨，但眼見同志們被剝削、被歧視，阿詩按捺不住心中那團火決定come out出櫃，思前想後、受盡冷箭，每個人心中總有一個夢想，阿詩也想光明正大拍拖，也想結婚組織家庭，前路縱使佈滿荊棘，但她真的沒有退路了，唯一不變的容祖兒仍是她禁忌，正如她說：「有啲包袱放低，有啲又孭番上身。」
金牛座的何韻詩執着過人，不論對朋友、對工作，甚至對感情，阿詩可說是專心一致。阿詩出道以來性向成疑，與她傳緋聞的亦以女性居多，當中容祖兒在她檔案中歷史最長亦是file最厚，近期加入新名字路嘉欣、鄧九雲，但仍是與祖兒的密友關係令人最多遐想，即使祖兒已經心有所屬與劉浩龍談戀愛，阿詩與祖兒的感情仍舊為人津津樂道。
苦思三日決定出櫃上周三因同志平權諮詢被否決，阿詩當時一團怒火無處可洩，失望、難過充斥在腦海，她想做點事來表達，但又像是一件吃力不討好的事，思量三日，詢問過來人黃耀明的意見，阿詩最終在上周六激情出櫃，高呼「我係同志」，阿詩說：「有啲包袱放低，有啲又孭番上身，其實心情唔係好大分別，我不嬲都算係默認姿態，以個人嚟講我係唔需要交代，平權咁大爭議，但呢啲有偏見嘅人可以令到社會咁倒退，就係因為咁我先諗，係唔係應該行出嚟，去到成個社會嘅議題，每個人都有權利，係有需要行前一步。明哥係後面極力推我嘅人，佢come out，對我好大衝擊，佢都可以咁做，點解我唔可以？佢以過來人身份，畀正反兩面意見我，我嘅掙扎唔係個人方面，因為我身邊嘅人大家都知，甚至對公眾都唔係一個秘密。」
■上周六何韻詩身體力行支持同志遊行，更毅然出櫃，高呼「我係同志」。
向祖兒交代惹揣測阿詩一直不公開性向是為了保護身邊人，當中是否有大家心目中的女主角，阿詩自然不會透露，她說：「如果我行出來去確認呢樣嘢，講埋嗰句說話，會唔會對我身邊嘅人構成一啲影響，所以要博一鋪，歷史上被安排喺我身上嘅女性緋聞朋友有咁多，行出嚟講可能會為其他人帶嚟麻煩。」阿詩曾表示發表出櫃言論前曾通知祖兒，此舉難免令人揣測兩人的斷背戀是真有其事。
阿詩無奈說：「始終佢個file最厚，加上各樣因素，對佢會困擾最大，而且呢啲聯想不嬲都有，我答與唔答大家都會有好多聯想，個個重心都會偏向嗰邊，我上台前有send message同佢交代一聲。」
與男仔行街感覺怪35歲的阿詩打從中學時期已經了解自己的性向，事實上她與男性相戀可說是零經驗，她說：「十零歲有男仔追你，嗰時都未搞清楚愛情係乜，個男仔約我，佢又靚靚仔仔，我咪出吓街，但純粹係出街，手都冇拖過，嗰時感覺咁怪，因為女仔嘅友情有時好模糊，我要一段時間先知自己鍾意女仔，當時梗係痛苦，唔知同邊個講，又唔敢同父母講，唔知佢哋有乜嘢反應，最後我鼓起勇氣同一個大我好多歲嘅基督徒男性講，佢表現得好諒解同畀好大支持，所以我覺得好幸運。」
阿詩直言拍拖次數五隻手指都數完，報道寫她花心蘿蔔、四處媾女，她笑言要作出平反，不過她感情路上常處於被動狀態，她說：「我只可以講我過去係比較黑仔，一路都係暗戀，直到入行後先真係拍拖，至於係幾時，真係無可奉告，因為一提年齡歲數就會有好多聯想，我嘅經歷係好自然發生，我唔會追人。」
■何韻詩（左）和容祖兒相識超過十年，兩人的斷背傳聞一直為人津津樂道。資料圖片
望光明正大談戀愛其實阿詩與所有女性一樣，都憧憬結婚生兒育女，她說：「其實我係一個幾有家庭觀念嘅人，想結婚有自己家庭，以前都有講過，但啲人會話我想掩飾性取向，同性都會想結婚，家都想，身邊有咁多朋友結婚生仔，見到小朋友好得意，再望自己細個啲相都幾得意，有想過生B，但我身體未係最適合。」阿詩提到結婚滿臉幻想，終身伴侶亦曾經出現，但最終未能走下去，她說：「總會有，其實每一次都想，但我經驗唔係好多，都係唔答。」
阿詩提到感情事諸多顧慮，希望保留私隱，當然她也希望有一天可以坦然拖住另一半出來，她說：「如果有一日可以公開話畀大家聽，我同呢個人好快樂同結婚，可以嘅一定同大家講，藝人有好多顧慮，你會擔心影響對方，我從來未試過坦蕩蕩出街，一路人生都係偷偷摸摸，擔心被人影到，會唔會被寫，自己都希望有日可以光明正大帶一個人出嚟，畀大家祝福我。」
同性戀以往被稱為禁忌之戀，而阿詩的禁忌就是祖兒，毫無疑問祖兒的名字與阿詩永遠被牽在一起，與祖兒的關係，阿詩避忌說：「都係唔好答，之前話唔知都變咗一個標題，總之冇特別聯絡囉，又唔係咩囉，大家唔會唔係朋友。」
