東亞唱片旗下的歌手何韻詩早前缺席《勁歌》頒獎禮，昨日她與DJ Donald以饑饉之星身份一齊在商台接受訪問，阿詩今年在樂壇頒獎禮成績認真麻麻，在四個頒獎禮中只有在新城得獎，其餘都捧蛋收場，阿詩坦言：「呢個係自己個人選擇，上年基本係做咗一啲想做嘅事，做音樂唔係為爭獎。」她直言是自己選擇缺席港台與無綫的頒獎禮。
接着阿詩又表示：「我相信家除咗電台同電視台，其實仲有好多其他方法可以聽到我嘅音樂，啲台都有權選擇唔播我嘅歌，另方面冇明文規定話歌手一定要去晒所有頒獎禮。」
阿詩認為現在的頒獎禮就如每個台的慶典，她謂：「賽果唔係真係好能夠代表成個大中華鍾意嘅音樂，要擺脫舊式思想，咁樣會好影響創作空間，唔好好似80年代咁，有獎先代表嗰年做咗好多嘢。」
from:
http://hk.apple.nextmedia ... art_id=14884121
