無綫總經理陳志雲涉嫌串謀詐騙被廉署起訴，前日正式提堂，除摰友王喜為他開路兼遮風擋雨外，日前信誓旦旦撐恩師的迷雲黨成員鄧健泓和崔建邦，原來早已掉轉槍頭。據悉，早前志雲曾邀鄧健泓為其商台節目做嘉賓，但鄧健泓竟獅子開大口索價四萬；崔建邦更絕，寧願去台灣睇鄭秀文開騷也拒陪志雲出席佈道會。樹倒猢猻散，冷暖自知的志雲，確實百般滋味在心頭。
陳志雲近年在電視界叱咤風雲，曾幾何時一眾迷雲黨羽如鄧健泓和崔建邦等，俱傍實志雲爭寵。不過娛樂圈跟紅頂白，自從志雲今年3月涉貪被捕後，迷雲黨火速崩潰，至上周四志雲被正式起訴串謀收賄及欺詐等罪，不少無綫中人隨即劃清界線，前日志雲首度上庭也僅得王喜擔遮侍候風雨同路，至於日前才揚言無忘志雲栽培的邦邦及鄧健泓，卻蹤影全無。
其實志雲落難後，過去半年原來看盡人情冷暖，把口撐實情反的大不乏人。據悉，鄧健泓和邦邦的表現最令志雲傷心，連環兩擊十分應棍。事緣今年7月志雲「復出」，答應為林以諾牧師的佈道會負責聲音旁白及唱詩歌，當時他曾邀已甩身涉打女的邦邦做腳同行，但邦邦卻請恩師食檸檬。
舉行佈道會當晚，有人目睹邦邦在台北小巨蛋睇鄭秀文（Sammi）演唱會，原來他寧願睇騷也不願陪恩師，其後又有指邦邦為自保轉埋高層樂易玲堆，因而與志雲逐漸拉遠距離。有傳邦邦該次熱心赴台，正是為了陪樂易玲睇Sammi演唱會，不過樂易玲昨日否認傳聞說：「我喺香港睇咗鄭秀文，做乜要去台灣睇，冇咁嘅事。我7月份去咗絲綢之路，都唔知點解會有啲咁嘅傳聞。」
另一叛將鄧健泓，當初曾肉麻當有趣公開稱呼志雲做Honey，如今卻視志雲如陌路人。兩個月前志雲出席佈道會後，未幾即為商台開咪主持新節目《生死之交．陳志雲》，原意是由他邀請身邊摰友做嘉賓，雖然節目其後因無綫下禁令而難產，但志雲早已做好前期功夫，廣邀圈中好友撐場，名單上包括愛將鄧健泓。志雲並自費請製作公司拍攝錄像，有製作公司人員透露，當時鄧健泓竟開天索價，索取四萬元一集，嚇得製作公司卻步，志雲得悉後當然難過，結果不了了之。
鄧健泓昨日與官恩娜及薛家燕等到沙田運動場，為中秋節晚會綵排。提到王喜日前揚言甘願賣樓籌錢為志雲打官司，鄧健泓即讚王喜有情有義，他說：「我知佢哋係多年嘅好朋友，佢好有情有義。」問他可知陳志雲經濟狀況是否出現問題時，他說：「我唔清楚，但據我所知係冇問題。」
對於有傳其恩師陳志雲停職期間一直為無綫進行秘密任務，鄧健泓大感愕然說：「真係完全唔知呢件事，講到好似特務咁。」他又指到現時為止，仍沒收到被召出庭作供的通知。他表示之前已講過志雲上庭一事，昨日全程表現平淡，問一句答一句。
from:
http://hk.apple.nextmedia ... art_id=14479033
