崔建邦被指打前女友留言嗌痛心

現年36歲的「躁底王」崔建邦又涉打女友！09年被舊愛「中巴」鄺慧敏控訴虐打，形象直插谷底，年前覓得23歲廣州模特兒女友陳嘉莉（Kelly），以為邁向40歲的崔建邦會生性，怎知「七年」之癢又發作，昨日有雜誌驚爆Kelly曾被崔建邦用iPhone掟瘀手臂，他更多次背女友偷食，去年平安夜孖林珊珊細女李怡（野人）上飛鵝山密會。

Kelly昨日承認跟崔建邦已分手一段時間，但原因卻不想交代。攝影：陳順禎

崔建邦跟細自己14年的Kelly拍拖一年半，被指脾氣暴躁的他曾爆粗鬧女友。

Kelly認分手

消息指當日Kelly離港工作，崔建邦和野人現身藍田麗港城的便利店買雪糕玩扭蛋，之後就去公園的暗角逗留了15分鐘，再駕車去車震勝地飛鵝山，其間似發現記者追訪即絕塵而去。現年26歲的野人曾硬撬黃泆潼男友24味成員阿肥，身材惹火的她又愛在網上曬三點式，十分火辣。

昨日本報向Kelly求證，她直認跟崔建邦已分手一段日子：「兩個人一齊一定有過開心時間，既然分手亦唔想同外界交代原因，始終係我哋兩個人嘅事，所以今日雜誌寫嘅嘢亦唔想回應，唔好意思，我𠵱家心情好平靜。」上月中Kelly接受本報專訪，還甜笑表示跟男友進展不錯，但她未想過靠男友成名：「我係男仔性格，好多嘢想靠自己。」想不到轉頭已分手。

至於崔建邦則在Instagram否認打女人：「我上年就結束了一段我有努力經營過嘅愛情，不過分開之後大家仍然是朋友，我仍然會關心同祝福對方，希望佢會有美滿嘅人生，但係今日我見到一本週刊嘅報導，對我們這一段關係配上咗好多無中生有，惡意的誣告，對此我感到非常失望和痛心，我亦已經聯絡律師採取適當嘅法律行動。」

林珊珊（前）的細女野人疑是第三者，但珊珊強調女兒只是識多個朋友。互聯網圖片

身材惹火的野人，常在社交網曬三點式辣相。

西瓜信胞妹

對於野人被指疑似是第三者，媽咪林珊珊說：「我謹代表屋企人，識朋友的確係好嘅。佢寫嘅關於男主角係咪咁樣？完全唔係我管轄範圍，亦唔係我明白範圍，完全唔加任何意見，我瞭解當中大家都係識朋友啫。」家姐李澄（西瓜）則代妹否認：「相信唔係佢感情生活嘅部份。」提醒要帶眼識人？她說：「呢啲佢識㗎喇！」

採訪：羅慧敏
服裝：Penny Black
場地：Three On Canton of Gateway Hotel
from:http://hk.apple.nextmedia ... 160128/19468885

沐浴愛河中的唐詩詠，昨日情人節行婚紗騷時表現風騷。

現年36歲的崔建邦，去年還傳出跟𡃁模女友陳嘉莉（Kelly）婚訊，但有指去年12月24日平安夜當晚，崔建邦背着女友偷會林珊珊細女、花名「野人」的李怡，Kelly之後速撇崔建邦。其實崔建邦過往跟唐詩詠拍拖時，也有不少出軌紀錄。崔建邦的兩位舊愛唐詩詠和Kelly昨日情人節兼初七人日，獲邀同場在灣仔會展行婚紗騷，兩女前後出場，交流不多，只有大合照。唐詩詠大方讚Kelly靚女，並祝她早日覓得有情人。

唐詩詠（右一）和陳嘉莉（左一）同是崔建邦舊愛，但兩人台上交流不多，只有大合照。

唐詩詠感覺似出嫁

唐詩詠和Kelly昨情人節化身靚靚新娘行騷，分別為四個品牌示範婚紗，唐詩詠全部打頭陣，她還谷胸出場，即使跟Kelly在台上大合照時，未知是否大會刻意安排避免尷尬，兩女都隔幾個身位。完騷後，大會也安排唐詩詠和Kelly獨立訪問。

問到唐詩詠可有叫男友洪永城來睇騷，她反問記者：「你有冇見到眼細細嘅人，今日情人節沒有慶祝，我今晚同哥哥食飯，佢啱啱由外地返嚟，情人節未必一定今日慶祝。我覺得拍拖紀念日重要啲，係兩人正式相遇，好值得紀念，如第二時結婚揀埋呢日都幾好。」

唐詩詠笑言昨日披上婚紗，加上新年開工派利是，令她甚有已出嫁感覺。唐詩詠大方承認後台有見到Kelly：「我哋眼神遠遠咁打招呼，大家都好忙。」唐詩詠不介意同場做騷，講到對Kelly感覺，唐詩詠說：「佢今日好靚，相信佢好快搵到情人，祝佢新年快樂。」有指崔建邦有新女，唐詩詠回應：「冇了解。」

回復單身的陳嘉莉，昨日跟唐詩詠同場，她承認兩人後台有打招呼。

崔建邦被指偷食，令陳嘉莉死心與他分手。

資料圖片
Kelly孤單過情人節

Kelly訪問時爆後台有跟唐詩詠打招呼，她都同樣不介意昨日同場做騷。今年要孤單度情人節，Kelly說：「今日都係人日，當生日。」

談到舊愛崔建邦有新歡，Kelly說：「唔知真定假，我唔會問，等佢公開。」Kelly表示希望拍拖時，戀情可以光明正大。

採訪、攝影：王連連
from:http://hk.apple.nextmedia ... 160215/19491117