李怡飛鵝山同居崔建邦共享一盒牛肉飯窮

現年38歲的崔建邦追女無數，去年初飛甩嫩模陳嘉莉，改冧林珊珊幼女李怡（野人），二人至今拍拖一年已到同居階段。日前本報讀者陳先生發現二人在將軍澳買外賣，野人全程悶悶不樂，崔建邦施冧功𠱁女友。曾經山窮水盡的崔建邦，當晚和野人買一個飯盒，其後他接受傳媒訪問自嘲說：「咁我窮冇錢嘛！」

崔建邦05年與唐詩詠秘密拍拖，之後暗交鄺敏慧，09年鄺敏慧報警指控遭崔建邦襲擊，其後崔建邦再因醉駕被捕，事業如跳樓機高速急墜，要由月薪九千的PA（助導）重新做起，直至12年才有機會重返幕前，幾年來積極洗底，終於有機會拍劇。

雖然事業一度插谷底，但現年38歲的崔建邦，向來桃花運不俗，多年來身邊女伴未停過，除了唐詩詠之外，去年初他飛甩嫩模陳嘉莉，轉媾林珊珊28歲幼女李怡，野人更一度被指是介入崔建邦與陳嘉莉感情的「小三」，不過二人發展一日千里，拍拖一年已於崔建邦的飛鵝山寓所同居，任能量治療師及瑜伽導師的野人，更在人前人後大讚男友人品好。

崔建邦排隊時蹺埋雙手，他等女友選好後就負責付錢。讀者提供圖片

當晚崔建邦負責買日用品，野人則拿着一個飯盒離去。讀者提供圖片
「第時有錢買多啲」

日前晚上約7時，讀者陳先生透過本報「爆相爆片」分享在將軍澳廣場遇見崔建邦及野人的相片，陳先生指兩人在吉野家買飯，男方排隊付錢後便到鄰店買日用品及零食，而野人就負責等外賣。陳先生續謂：「男嘅去咗超市買嘢，女嘅就負責喺吉野家等外賣，見佢哋只係買咗一個飯。」陳先生又指當時見到女方悶悶不樂兼嬲爆爆，崔建邦就不時𠱁她。

崔建邦其後接受傳媒訪問，他說：「都係買飯箒，冇乜特別。」問他為何二人買一個牛肉飯？崔建邦笑着自嘲：「唉吔！咁我窮冇錢嘛，第時有錢咪買多啲囉！」

林珊珊雖然管教甚嚴，但她與兩個女兒野人（右）及西瓜感情很好。互聯網圖片

野人擁有瑜伽及能量治療師資格。互聯網圖片
傳黐身被阿肥飛

野人昨日則在Instagram貼上和家姐李澄（西瓜）及友人的吃飯照，之後再貼上一張沒有表情的相片，再留言：「本人有塊resting b face」，澄清讀者指她當晚出現嬲爆樣，有朋友留言取笑她不要買一盒飯，她留言回應：「買咗kfc，又買漢堡包，又有甜品。」

除了崔建邦的情史「豐富」，野人的戀事亦精采，當年她被指硬撬黃泆潼男友、組合24味成員阿肥（陳偉雄），野人還將二人大量親密照放上網示威，惟最後傳阿肥嫌她太黐身，最終提出分手。回復單身後，野人便把二人合照全部刪除。

採訪：王梓嫚

崔建邦當年與嫩模女友陳嘉莉相戀，有指野人介入而分手。資料圖片

崔建邦（左）近年事業插谷底，連今年初打拳賽都輸。
from:http://hk.apple.nextmedia ... 170721/20096354

崔建邦曾經係大台一線主持，被視為「陳志雲頭號愛將」，不過當年因為涉打前女友鄺敏慧及醉駕搞到形象插水，加上陳志雲當年捲入涉貪事件被無綫停職，崔建邦一度被掟入雪櫃，好彩志雲回歸大台後，先至有機會復工，不過就係做助導。

佢曾經接受訪問大談佢喺呢段時間嘅經歷，佢仲話做助導嘅時候，每個月萬一蚊人工，雖然開工食飯盒收工返屋企，慳到極限都好，經濟好快陷入谷底，最窮嘅時候，甚至連八達通嘅50蚊按金都要拎番出嚟用。

崔建邦仲話當年阿媽一直都係住喺清水灣住村屋，但有一次媽咪俾狗咬，所以佢哋要搬走，不過由於崔建邦積蓄唔多，最後安排媽咪搬咗去天水圍住，而自己就住喺旺角嘅酒店仔。因為呢件事崔建邦仲寫咗封悔過書俾媽咪，唔單止俾唔到家用就連媽咪都要搬開住，佢除咗講對唔住，仲承諾一定會接媽咪返屋企一齊住。
from:http://hk.apple.nextmedia ... 170721/20096322

林珊珊與兩個弟弟林海峰及林曉峰都入娛圈，惟女兒野人不感興趣。互聯網圖片
現年28歲的李怡是林珊珊與前夫李啟淦所生的細女，雖然其胞姊李澄（西瓜）及兩個舅父林海峰與林曉峰都在娛樂圈工作，西瓜更跟隨媽媽及林海峰入電台做DJ。不過，樣貌標致的野人卻未有入行，現時她身兼能量治療師及瑜伽導師。

野人與西瓜兩姊妹感情要好，但性格卻似南北兩極，從小在外國讀書的野人性格較外向及豪放，不時在網上晒惹火身材，她亦曾與24味成員阿肥拍拖，14年光棍節宣佈回復單身，15年平安夜被拍得與崔建邦於飛鵝山密會。
from:http://hk.apple.nextmedia ... 170721/20096355

今年三十八歲嘅崔建邦（Amigo）同年輕十年嘅林珊珊細女「野人」李怡撻着，女方任職能量治療師，又係瑜伽導師，拍拖時唔介意同Amigo一齊捱，早排仲傳佢哋會結婚。點知峰迴路轉，結婚忽然變分手，兩人先後公告已和平分手，大家再見亦是朋友。

日前，東姑就喺尖東見到剛回復單身嘅Amigo，同埋女助手去到免稅店嘅化妝品部門，原以為佢係幫吓眼陪女助手挑選，點知睇真啲，應該係調番轉頭，其實係助手幫佢揀粉底，見佢左揀右揀，後來仲要售貨員幫佢搽埋上面試色，精挑細選先揀啱一盒粉底埋單走人。

男人老狗咁姿整化妝扮靚，可能因為Amigo受到失戀刺激，既然回復單身再度上市，梗係要扮靚仔啲先媾到女，搵段新戀情彌補，先係治療舊情傷嘅最佳靈藥。至於，「野人」除咗勤做瑜伽，早幾日又去咗大埔嘅慈山寺做義工，尋求心靈嘅自在，撫平失戀嘅傷痛。

佢同女助手去選化妝品，兩人不停細細聲研究，相當挑剔。

Amigo最終要勞煩化妝品牌Sales姐姐推介粉底，仲試搽埋上面，試到啱先買。

佢千挑萬選，買咗盒粉底走人；始終感情未有新着落，更加要注重個靚樣。

同Amigo甩咗拖，「野人」藉練瑜伽及做義工，平復失戀嘅心情。