藝人唐詩詠昨日與黎耀祥及蘇玉華等無線新劇《載得有情人》演員，到石硤尾探訪基層市民。詩詠對於崔建邦被《好報》拍得與新歡夜蒲，繼而再爆出二人已分手，詩詠說：「有睇到新聞，祝福佢，佢唔細，要結婚o架喇。（新歡你都識？）唔識，冇介紹我識，我冇酸溜溜。」
唐詩詠與崔建邦再見亦是朋友。
寧缺勿濫
問詩詠兩人何時及何故分手？她說：「唔講，係和平分手，仲係好好朋友。（出現第三者？）冇。（點解諗成秒先答？）冇呀，唔關事。（你話佢適婚，係咪有人唔想結婚？）個問題咁私人嘅？啱就一齊，唔啱就分開，我未到適婚年齡。（你有新歡未？）冇，有朋友想介紹我，但我驚相睇，慢慢嚟，寧缺勿濫。（以後唔同圈中人拍拖？）冇所謂，睇性格夾唔夾。」
另外，崔建邦出席2014港姐活動時，表示可稱呼和他夜蒲的「好朋友」女子作K小姐，他指舊愛唐詩詠亦有致電問候，又稱不相信舊愛與「脹爆伊健」拍拖，指該男子是舊同事，傾生意而已。
崔建邦早前被《好報》拍得與K小姐夜蒲。
黎耀祥攬著BB公仔玩遊戲。
文：影視組
From:
http://orientaldaily.on.c ... /00282_032.html
