開Post撐唐詩詠洪永城：你是我心目中「最佳女主角」

唐詩詠今年憑《不懂撒嬌的女人》入圍視后，不過面對勁敵宣萱、胡定欣、鮑起靜等，詩詠都覺對手太強，似乎無機會攞獎。本月21日就是《萬千星輝頒獎禮》，詩詠都孖何遠東拍片拉票，努力衝刺。
而前男友洪永城就向她投下神聖一票，更專登在社交平台出Post撐詩詠，他上載已投詩詠為「最佳女主角」的截圖，並冧爆留言：「記得曾經問過你，如果你攞最佳女主角，你會講啲咩？你話：有機會攞先算啦。今年終於到你。有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會剩係得呢個奬咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。#最佳女主角唐詩詠」。
睇到呢番話，真係又冧又感動，網民仲趁機起鬨留言「趕快復合！支持！」、「可唔可以一齊返？」、「好感人，公開愛的宣言」。

唐詩詠前男友洪永城撐她撐到出晒面，在社交平台出Post力撐，他上載已投詩詠為「最佳女主角」的截圖，並冧爆留言。


早前，二人被拍到餐廳密會，不過二人矢口否認翻撻戀情。


詩詠接受訪問時，表示她和洪永城仍然是朋友，大家關係良好，見面約會亦屬閒事。

洪永城與唐詩詠分手半年，間唔中會喺朋友飯聚上碰面，再見亦是朋友。最近，唐詩詠成為民選視后嘅大熱之一，身為前度男友嘅洪永城，一早話會投前女友票，講多無謂，行動最實際，講得出做得到嘅洪永城，今晚喺ig post咗投咗唐詩詠一票嘅截圖，仲加埋一段深情剖白，話前度女友早已係自己心目中嘅最佳女主角，嘩嘩嘩，呢句嘢真係冧過同唐詩詠講我愛你呀！睇嚟洪永城想翻撻唐詩詠，唔係齋想，係有行動配合喎！

《萬千星輝頒獎典禮2017》星期日就舉行，除了大熱「Mall姐」宣萱外，《不懂撒嬌的女人》中飾演Cherry的唐詩詠亦受網民力捧，終於獲肯定！唐詩詠出道多年來俾人感覺都係清純乖乖女，形象討好，而且出晒名對愛情專一又認真。可惜無論係余文樂、崔建邦或是去年分手的洪永城，詩詠一直都未遇到一個可以託付終身的好男人……其實詩詠的好，又點止對愛情的堅持，《新地網》現為你數出詩詠優點一大籮，睇完之後，大家就會明白點解唐詩詠係一個不能錯過的女友！

一個接一個也沒有結果

回想當初，詩詠同洪永城拍拖以來，對男方一心一意，人前人後都好恩愛。但兩人的情路都唔係順風順水，早年紅地氈上洪永城同黃翠如拖手一幕在網上瘋傳，引發連串花邊新聞，全城似乎都覺得洪永城同翠如BB先係一對！


頓時好似變咗「第三者」的詩詠不單沒有介意，接受訪問時依然表現大方，而且仲同翠如BB做埋好朋友，可謂愛屋及烏！



雖然有個好好女友，可惜洪永城最後都係不敵大台新一代姣精蔡思貝的誘惑，拍新劇《味想天開》時撻着；早前又被本刊拍到兩人去到西貢運動場私會，跑步為名，調情為實。


疑翻撻舊愛

事緣洪永城在2012年任旅遊節目主持時，本來已經有個從事金融業的女友Emily，其後認識當時為黃翠如形象指導的Bird Tse，兩個人同樣喜愛夜蒲，可謂一拍即合。之後兩人不時相約流連夜場，愈玩愈埋，Emily終難忍男友花心，狠心分手！雖然永城後來同Bird有過一段情，不過亦係快來快去，無疾而終。

形象指導Bird Tse
不過洪永城除了舊愛Bird，早前又被爆多年來鍾情一位名叫Kanice Po的索女，兩人早年在一個party場合認識，Kanice曾任職空姐，近年則轉到銀行擔任理財客戶主任。據稱當年女友仍是Emily的Tony，在party上不斷撩Kanice傾偈，之後更大膽到想錫人塊面！不過Kanice都心知Tony花心，所以多年來都只當對方係普通朋友。

索女Kanice Po

唐詩詠洪永城去年分手

其實唐詩詠及洪永城都已屆適婚年齡，詩詠心急想結婚亦無可厚非，但有消息指33歲的洪永城仍然未定性，更自認「冇本事」養老婆，最後兩人在婚期上未能達成共識，更因此經常有爭拗，所以在去年五月決定和平分手！


洪永城撐前度做視后

雖然唐詩詠同洪永城已經分手，不過的確係再見亦是朋友，繼今個月兩人被拍到秘密約會後，洪永城日前在網上公開自己投詩詠做視后，並留言大讚詩詠人緣好、每次演出都非常投入認真：「你係我心目中嘅最佳女主角」出晒面幫手拉票！


掏盡幾多光陰不襯便不襯

講到詩詠的戀情，又點可以唔提崔建邦(Amigo)！詩詠同Amigo在2005年一同主持《K-100》時撻着，可惜男方不時背着女友夜蒲偷食，以致兩人多次離離合合，分手復合又分手，拖拖拉拉近十年。其實Amigo偷食都唔係咩新鮮事，佢曾經多次食女被斷正，不過詩詠一樣係默默承受。


直至2009年，o靚模鄺敏慧(中巴)報警聲稱被Amigo虐打，惹來全城關注，男方形象跌至谷底。不過最終獲法庭撤銷控罪，只是守行為一年，不留案底。Amigo負面新聞纏身，詩詠依然多次公開表示信任男友，再寫埋紙力撐！需知女孩子的青春係幾有限，但詩詠都不離不棄，對男方專一的程度已經近乎係麻木，實在係聞者傷心……



下頁開始將詩詠優點逐個數，話俾大家知拋棄佢的男人都係走寶！

體貼之達人

詩詠曾被拍到同馬國明、林子善等人一齊食飯，期間詩詠更加剝埋蝦俾馬明，詩詠剝幾多馬明就食幾多，之後仲遞上紙巾，真係好窩心！但原來剝蝦都未夠，詩詠為人為到底，飯後仲載埋馬明返去太古城的住所。難怪事後馬明都大讚︰「佢不嬲都賢淑！」



大家都知道現今「港女」盛行，好似詩詠呢啲咁識照顧人的女友真係好難得，對身邊人一視同仁，又樂於照顧朋友，絕對唔會有異性無人性！詩詠為人咁好，所以佢在圈中人緣甚佳，唔少同佢合作過的藝人都會成為其好友，好友包括鄭嘉穎、黎耀祥、胡定欣、鍾嘉欣、田蕊妮……下刪N個人。


慳家之達人

雖然節儉都係一種美德，不過紅星名人賺賺埋埋咁多，花多啲錢享受生活都好係好合理。但詩詠就唔同，佢部座駕Volkswagen白色甲蟲車已經揸咗五年以上，就算年前意外撞車，佢都四出揾車房格價先落實維修，可謂慳得幾多得幾多。同圈中一車接一車的藝人相比，詩詠可算是一道清泉！





另外，唔少藝人出街勁大陣仗，幾個助手跟在後拎住多袋戰利品的情景屢見不鮮。不過慳家又貼地的詩詠通常都係自己去超市、自己迫藥房，半點明星架子都無！


生意之達人

詩詠日常生活精打細算，同時亦好有生意頭腦！早年佢在中環「PMQ Halloween Gourmet Market 元創方萬聖節美食市集」，引入台灣享負盛名的「洪瑞珍」三文治，該三文治在當地大約賣6元港幣一件，但詩詠就以40元一件的價錢在PMQ出售，據知半日已經賣出1,600件，賺到笑！如果有詩詠做女朋友，完全放心將經濟大權交俾佢！


唐詩詠同王浩信呢對螢幕情侶去年憑《不懂撒嬌的女人》彈起，之後兩人做埋生意拍檔，拍住上開cafe，進軍飲食界！


寵物之達人

詩詠本來好愛狗仔，不過因為工作繁忙，家人又無暇照顧，所以就改養性格較獨立的貓。分別養咗兩隻蘇格蘭摺耳貓仔，一隻叫「金仔」一隻叫「銀仔」，詩詠錫到佢哋爆！都係嗰句，愛錫寵物的女仔，人品自然唔會差！




演戲之達人

2010年時，入行七年的詩詠憑《鐵馬尋橋》中應雁鳴一角，奪得該年度《萬千星輝頒獎典禮》的飛躍進步女藝員獎，以及入圍角逐最佳女配角，表現有目共睹。去到2016年，詩詠又憑《鐵馬戰車》中姚瑤一角，在TVB馬來西亞頒獎禮奪得「最喜愛TVB電視角色獎」。


詩詠去年在《不懂撒嬌的女人》中大爆發，其中一幕對住自己上司兼堂姐的宣萱聲嘶力竭的怒罵，對住前輩完全冇輸蝕！劇集播出以來，觀眾都只係關注佢同王浩信的劇情發展，今次終於令人留意到佢啲演技啦！


唔止在大台，古天樂亦曾經欽點詩詠在電影《逃出生天》中飾演其未婚妻，古仔表示睇電視時有留意詩詠，認為戲中的一場求婚戲非常適合佢來演。俾古仔欽點喎！簡直有今生無來世！


美貌之達人

小編講咗咁多詩詠內在的優點，去到最後一頁係時候講番啲最實際、最膚淺的原因……無錯！就係詩詠真係好正囉！詩詠的樣子甜美，一直都保持清純女神的形象。早年無綫的青春劇「四葉草系列」被視作培養新人的搖籃，有網站曾經舉辦咗一個「歷代四葉女最靚選舉」，結果詩詠以高票當選冠軍，美貌不庸置疑！雖然詩詠今年就37歲，不過一樣keep得勁好！





有前，有後，有長腿，呢個package無得輸啦啩！



無論係嫵媚的長髮look還是剛強短髮look，都一樣carry得咁好！

各位讀者，如果閣下已經有一個好似詩詠咁樣的女朋友，千萬千萬不能錯過！如果大家認識一個詩詠咁樣的女仔而佢又係單身，請馬上通知小編……

全文完

藝人唐詩詠去年與洪永城分手後，屢傳復合，早前更被本報獨家拍得二人相約外出。詩詠曾表示與洪永城復合隨緣，又坦言大家並非仇人，再見亦是朋友。

洪永城留言為詩詠打氣，字裏行間都是愛。

洪永城前晚感性留言，撐詩詠做視后：「喺劇組咁多年，我從來未聽過一個人講你壞話，淨係呢個原因你都至少攞個最佳人緣獎啦。當然你點會淨係得呢個獎咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。」字裏行間散發出愛的感覺，網民都希望二人復合，再續前緣！

另一邊廂，詩詠前晚與出爐影后鄧麗欣及藝人區文詩等飯敍，齊齊慶祝。

洪永城肉麻撐詩詠
「心中最佳女主角」

唐詩詠前晚飯敍時預祝攞最佳女主角。洪永城（右圖）則在Ig力撐詩詠。

互聯網圖片

台慶頒獎禮踏入倒數階段，郭晉安憑《老表，畢業喇！》角逐視帝，前晚他在灣仔出席活動，直言睇好宣萱攞視后：「因為佢係我老婆仔嚟㗎嘛！」

爭視后者還有李佳芯和唐詩詠等，在唐詩詠選情告急之際，舊愛洪永城前晚在Ig留言力撐說：「有樣嘢非常之佩服你，喺劇組咁多年，我從來未聽過一個人講你壞話，只聽到詩詠好、詩詠得、詩詠無得頂，淨係呢個原因你都至少攞個最佳人緣獎啦。當然你點會淨係得呢個獎咁簡單，見到你每次開劇之前角色上嘅準備工夫，令自己投入狀態，而在劇拍攝中無論自己生活中在幾多嘅情緒，你都保持在那狀態之中，你係我心目中嘅最佳女主角，咁多年嘅努力，希望今次你得。#最佳女主角唐詩詠」

預祝視后

洪永城近日被傳與唐詩詠復合，前晚他如此高調留言，莫非復合有望？洪永城前晚回應說：「唔係啦，只是鼓勵同支持。」至於唐詩詠前晚就與鄧麗欣（Stephy）和區文詩等飯敍，除了慶祝Stephy在「香港電影評論學會大獎」中憑《空手道》獲最佳女演員獎，又預祝唐詩詠成「最佳女主角」。

採訪：唐琛悠、非非、王連連


資料圖片

郭晉安前晚謂睇好宣萱贏視后。

攝影：陳慧安

《最歡迎女電視角色》由蔡思貝暴冷奪得，唐詩詠在台下更一度失望而眼濕濕，但當蔡思貝下台之後，王晶宣佈唐詩詠首奪視后，唐詩詠更哭成淚人，佢話︰「我除咗演戲冇做過任何嘢，呢13年來多謝大家俾機會我。」其後她一一多謝所有幕前幕後的同事。



她亦都多謝網民對她的支持︰「係網上叫啲人唔好憎你好難，但要人鍾意你仲要CAP圖轉發係仲難。」唐詩詠之後謂︰「我要多謝一個人，佢教我做戲、做人，成日聽我呻，又陪我瞓，每次鬧完我之後都話我︰『其實你好好㗎!』多謝你田蕊妮小姐!」唐詩詠續道︰「最後要多謝一個人，因為佢我先可以企喺度，佢上生奉獻咗畀愛情，下半生奉獻咗畀我，佢教識我點樣愛人，點樣去堅持，呢兩樣嘢我先可以行到今日，呢個獎係屬於我媽咪，雖然佢唔喺度，我知道佢會睇住我，我好掛住你，我好愛你，雖然你離開咗我咁多年，我會記住你教我嘅嘢，我知道我唔完美，我會努力好每一個角色，多謝大家。」

唐詩詠前晚擊敗勁敵宣萱及李佳芯，成為出爐視后！她受訪時讚宣萱是她心目中永遠的女主角，很開心可與她一齊入圍，亦多謝對方的支持。詩詠又指忘記多謝陳志雲及洪永城，提到洪永城早前在網上力撐，她坦言感動：「佢以前得個講字，今次有實際行動！佢成日怕我冇信心，多謝佢鼓勵我。（復合？）隨緣啦！（同佢慶祝？）佢約我都會。」問到會否續約，詩詠透露合約期仍然很長，自言在無綫工作多年感開心，獲得很多機會。頒獎禮後，她離開時與一班粉絲慶祝，返家又與好友田蕊妮及黃翠如慶功。至於洪永城雖身在外地，但亦有留意賽果，得知舊愛攞獎即留言：「你得咗，視后。」

唐詩詠與粉絲慶祝，即場自隊香檳。

此外，詩詠早前參演英皇電影《我的情敵女婿》，當日斟洽角色時，她曾有所懷疑為何找她演出，但導演葉念琛說出一句話：「因為你嘅戲好，而且鴻運當頭，篤定係今年視后！」如今預言果然成真！

唐詩詠（右）勇奪最佳女主角，好友黃翠如吻賀。
葉念琛找唐詩詠（右）拍《我》片時，已批她做今年視后。

《溏心3》煲爛　台慶獎全軍覆沒
唐詩詠臨門續約　奪走視后
唐詩詠前晚首封視后，卻被爆以續約換獎。

無綫一年一度派成績表，《萬千星輝頒獎典禮2017》前晚圓滿結束，網友事後對賽果有意見。一直被力谷的台慶劇《溏心風暴3》竟全軍覆沒，而唐詩詠撼贏《不懂撒嬌的女人》拍檔宣萱首封視后，卻爆出她續約換獎。朱晨麗爆冷踢走大熱《愛．回家之開心速遞》的「大小姐」林淑敏捧走最佳女配角，遭網友喝倒采，紛紛留言「還我大小姐」。

唐詩詠前晚憑《不懂撒嬌的女人》，揮低同劇勁敵「Mall姐」宣萱首度登上視后，備受爭議。賽前一度傳出唐詩詠有意跳槽到古天樂旗下，據知她最後和無綫續約換獎，賽前她亦頻頻造勢，獲舊愛洪永城及契哥馬國明力撐。唐詩詠前晚在後台大講得獎感受：「好難得到呢個獎，可以行到今時今日，真係好多謝媽咪，佢教咗我好多重要嘅嘢，之前一路都未放低，終於可以拎到獎，我知道佢可以睇到。」無綫遊戲規矩向來冇到冇獎，宣萱前晚缺席，記者昨聯絡她未有回覆。

頒獎禮後，唐詩詠開心走到電視城門外收粉絲送的蛋糕和鮮花。

朱晨麗爆冷捧走最佳女配角，被質疑未夠資格。

夏雨和李司棋等一班台慶劇《溏心風暴3》演員，前晚全部食白果。

敏之目標封后
此外，無綫去年為力谷台慶劇《溏心風暴3》，將頒獎禮改期到前晚，該劇夏雨、黃宗澤、李司棋等有份角逐視帝視后，甚至搏到盡床戲連場的陳敏之也提名最佳女配角，可是最終《溏心3》爆煲，全軍覆沒。對於《溏心3》食白果，敏之大感可惜：「我都當自己得到獎，贏到四方八面網民支持同讚賞，得到好多觀眾認同，獎項係錦上添花，我希望向最佳女主角獎進發。」

無綫前晚的頒獎禮部份賽果被質疑，通訊事務管理局昨回覆接獲10宗投訴，主要投訴賽果不公，未有公開得獎票數和透明度不足，有造馬之嫌。對於得獎惹非議，唐詩詠和朱晨麗至截稿前沒有回覆。

採訪：唐琛悠、劉敏

出爐視后唐詩詠昨日一臉病容現身溥儀眼鏡旗下韓國眼鏡品牌GENTLE MONSTER活動，聲沙沙的她表示咳還未好，台慶頒獎禮翌日已看醫生，藥後昏昏欲睡，故沒有慶功：「嗰晚阿田（田蕊妮）同翠如（黃翠如）喺尖沙咀買粥送嚟我屋企畀我食，喺屋企等咗我好耐，知我好肚餓。」對於有網民指她在蔡思貝領獎時黑面，她說：「解釋咗，之前星馬兩個頒獎禮都咁啱女人不便，陳山聰已經提我好水腫，點知今次又係，我真係同網民解釋咗，覺得女人嘢再解釋就好核突。嗰日忘記食止痛藥，好彩冇水腫。」她表示獲獎感到很大鼓勵，亦很奇妙，但否認續約換獎：「其實份約好長，唔使傾住。」並指收到宣萱的恭喜短訊，對於宣萱被選為民選視后，唐詩詠同意：「佢都係我心中最佳女主角。」

唐詩詠
詩詠黑面賴唔舒服
唐詩詠昨日聲沙沙出席活動，表示看到網上攻擊留言不舒服。

出爐視后唐詩詠昨日在銅鑼灣出席眼鏡品牌活動，一臉倦容聲沙沙，她坦言看到網上攻擊留言不舒服：「鍾唔鍾意呢樣嘢，我係覺得冇所謂嘅。」至於續約換獎，她說：「之前都同大家解釋過，我同無綫份約仲有好長嘅時間，所以毋須要傾住。」

封后成為眾矢之的？詩詠笑說：「冇得去考究咁多原因，只可以繼續努力。我都知道自己有啲地方係唔夠好，亦都俾好多人提點，所以我會留意，可以做嘅就只有做得更加好。」被網民指在蔡思貝攞獎時黑面，兼沒有拍掌，詩詠回應：「咁啱都係撞正『唔舒服』，女人嘅呢啲嘢，解釋得太多就核突。」

採訪：馬建華
攝影：沈健程