何韻詩昨日與o靚模DaDa、A.Lin和Annie G.一起到淺水灣，出席「淺水灣夏日嘉年華」。雖然昨日氣溫超過30度，面對一班o靚模，阿詩仍身穿貼身褲和長靴出席活動。昨日一早從台灣返港的她自嘲說：「佢哋（指一班o靚模）露，我密實先有差別o架嘛，我都唔係嗰條路線嘅，我呢啲老姑都係做番自己啦。」
問到平時可會穿三點式到沙灘時，何韻詩說：「為免令市民不安，除咗同朋友出海之外，我平時都係着一件頭泳衣，因為試過游水時爭啲甩。」昨晚到佛山為Sammi演唱會擔任嘉賓的她，被問到Sammi心情如何時說：「冇乜嘢喎！佢呢啲百毒不侵啦，最緊要係Sammi自得其樂，快樂最緊要，件事纏繞佢哋咁多年，畀我都覺得煩啦。」另外，阿詩前晚在台灣開騷，一直跟她傳斷背情的容祖兒更專程捧場，友情非淺，不過對鏡頭卻很避忌，離開時身邊男性友人更以人牆阻擋記者影相，之後保母車更在公路上衝紅燈，搏命要撇開記者。
而A.Lin、DaDa和Annie G.昨日接受訪問時，被問到表演內容時說：「我哋行fashion show，名模有自己market，我哋young啲。」問到可是指一眾前輩為老模？她們說：「佢哋前輩啲、我哋夏日啲。」
A.Lin和DaDa被問到近日與Jessica C.合作拍電影，可擔心身材被比下去時說：「我哋都有鬧鐘仔同平安鐘。希望遲啲有人可以送電池畀我哋，因為驚鬧鐘冇電。」
from:
http://hk.apple.nextmedia ... art_id=14345771
