林峯昨日宣佈紅館個唱於7月28加開一場，連原定29至30日共開3場。他謂今次個唱最吸引人之處是會撩起人把火！林峯表示去年開個唱第一場很緊張，唱到第二場有mood的時候便唱完了，所以今次能開三場，他可以唱得更投入。
林峯繼去年在紅館開兩場個唱後，今年將於7月29及30再開兩場「Come 2 Me Beauty Live On Stage林峯演唱會」，昨日他在灣仔舉行記者會，開香檳慶祝於7月28日加開一場，現共開三場。林峯表示：「啲飛去得好快，頭兩日啲靚飛已經賣晒，我仲爭朋友幾十張飛，家頭兩場真係賣晒，唔知點嘔畀人。」
林峯父親林華國是廈門最大的地產商之一，被稱為「廈門李嘉誠」，曾與邵逸夫一同獲頒廈門市榮譽市民頭銜。問到父親對其個唱有否實質支持，林峯說：「佢冇買好多飛，有幾多親戚就買幾多張，唔會專登買，佢從來唔會咁做。」談到開騷的服飾，林峯說：「唔會特登露，啲衫會配合歌曲，慢歌都可以好sexy，今次演唱會好hot。」林峯談及個唱吸引人之處：「會撩起大家把火，會玩火，好多嘢唔透露係想畀大家驚喜。」
林峯又謂個唱開兩場或三場的分別很大，他說：「上年頭一場係warm up，好緊張，第二場啲mood嚟就已經做完喇，今次可以第二場enjoy，第三場投入。」問他可想再加場，林峯說：「體力應付到冇問題，希望每一場都盡善盡美，唔係越多場越好嘅。」容祖兒已答應任嘉賓，林峯謂也想請蔡卓妍撐場，他說：「其實嘉賓未定實，因為出DVD版稅問題，所以只考慮自己公司人，其實今年唔會用嘉賓填滿個騷，因為我有好多時間排練，要主力做自己嗰part。」他謂也會請無綫同事做嘉賓。
from:
http://hk.apple.nextmedia.com/te ...462&art_id=14167042
