何韻詩昨日到朗豪坊出席「adidas南非世界盃」活動，她自言不是足球迷，當初睇世界盃都是受師傅梅艷芳影響，她說：「梅姐好鍾意碧咸，嗰時陪佢睇碧咸好激動o架，有啲朋友睇波時會爆吓粗。」
對於杜德偉出書爆阿梅當年曾與陳小春激吻，阿詩表明不會看有關書籍，她說：「我覺得唔係咁好，人都走咗，發生乜嘢事都好，都唔關任何人事囉。有時知道有人出書寫佢，我個人認為唔係咁好，人都走咗啦，感覺唔係咁舒服。」
阿詩又表示近日不時收看自己有份演出的劇集《女王辦公室》，她說：「我估網上翻睇嘅點擊率有四分一都係我嚟，我一集會睇十次，同埋汪阿姐（汪明荃）都有打畀我問反應點。之前佢讚我做得好，但我睇番覺得可以再好啲。」
from:
http://hk.apple.nextmedia ... art_id=13787896
