[資訊分享] 唔好瞓喺度飲奶

外國有項研究發現，平瞓喺床度飲奶嘅BB，比普通躺在媽咪手臀飲奶嘅BB，會較易患有鼻竇炎，呢段報導正好反映我餵奶嘅情況，我個BB係一邊飲奶一邊瞓覺嗰種，所以好多時我都會放佢喺床仔自已飲奶瞓，但原來據呢段報導所講，BB瞓住飲嘢，好易將流質嘅飲料倒流去鼻竇，通常都識得咳或打噴嚏，將留喺鼻竇嘅流質排走，但鼻竇表面此終已佔有流質食物嘅少量雜質，形成鼻竇炎嘅原凶，日積月累就做成鼻竇嚴重染污，令鼻竇炎頻頻復發。所以我哋以經改變習慣，唔再偷懶，每次都會抱住BB餵奶直至佢瞓冧，瞓覺時，又會加一個有微斜嘅枕頭俾佢，令胃部嘅流質食物唔會咁易倒流，而飲飽奶最好嘅睡姿就係側睡，咁樣就算BB嘔奶，都唔會塞住氣管，影響呼吸，以上做法全靠一個識得急救嘅朋友提供。不過瞓喺度飲奶最危險嘅情況，其實可以致命，有次帶BB打針，同啲護士閒談起瞓住飲奶，知道有啲BB又喺瞓住飲奶，啲大人行開咗就「俗」親，瞓喺度又咳唔到，就咁俾呢啖奶攪到窒息攞命，諗起都驚。