陳豪加入電視圈後，工作接踵而來，努力演戲令他登上視帝寶座，但名成利就所帶來的壓力，令他無法真正享受人生，近年陳豪就悟到身體健康的可貴處，他說：「平時工作好辛苦，要將自己嘅壓力釋放，人要有個平衡位，唔可以只得辛苦，唔理自己嘅健康，係會雙倍賠上，所以工作後要放假休息，仲要有充足睡眠。」
整咖啡實現夢想
陳豪主張狂食減壓，之後再靠做運動來保持健碩身形。
陳豪早找到自己興趣作為人生享受，他說：「整咖啡係我嘅夢想，之前我有機會去唔同地方拍攝，喺我心目中，呢個過程係好relax，因為真正享受唔係人人都識，要鍾意之餘又要對嗰樣嘢有啲認識。」
除了找到自己夢想外，陳豪最期待是每次的長假期，可以真正拋開工作離開香港，享受陽光海灘，所謂食色性也，他與一般愛靚人士有異，主張狂食，還說：「做得咁辛苦，食都係唯一享受，我認為最健康飲食習慣，係唔使點戒口，鍾意食乜就食乜，補償方法係做大量運動，就會有效保持健碩身形。」
