胡杏兒昨日到商台宣傳新歌《時間不等我》，對於最近有報道指無綫又裁員，杏兒說：「傳聞啫，係咪真㗎？今年似乎唔利娛樂圈。我都希望啲資深藝人冇事，公司都係冇辦法先會咁做，始終係上市公司，要同股東交代，對我嚟講惟有係做好自己工作。」
撐子珊爭飯碗
提到近日盛傳的集郵男星，杏兒笑稱：「我冇遇過，開工都好忙，邊有時間集郵呀？如果咁忙都仲有時間，我諗嗰個人一定係飲咗虎鞭酒。」她又透露目前構思新碟，希望可以給大家新感覺，她更表示支持徐子珊進軍樂壇，有記者笑說徐子珊將會走跳舞路線，鍾嘉欣又走玉女路線，問杏兒又會否行性感，她笑說：「性感我唔夠料呀，我行型格得唔得呀？」採訪、攝影：何慧斯
積極進軍樂壇的胡杏兒，昨日宣傳新歌。
