因為與何韻詩稔熟關係，麥婉欣（左）在圈中交遊亦廣闊，而疑似多位女主角亦承認與她私下有電話來往。
女同戲導演麥婉欣：係有人冒認我！（真實對白）
苑瓊丹上月在電台節目踢爆魔術鹹豬手專向TVB 姐仔埋手，搞到全台喊捉淫魔，不過色魔捉唔晒，原來連廣播道都出現鹹豬嘴，專向商台女DJ 口頭抽水。
據知有人涉嫌以拍戲搜集資料為名，先後打給謝茜嘉、99Wing （張穎妍）等多位商台女DJ ，狂問房事私秘，矛頭直指拍過女同志電影《蝴蝶》、與何韻詩稔熟的前衛女導演麥婉欣！
被拖落鹹豬口事件，表示自己都係苦主嘅麥導演話：「我報咗警啦！」澄清咗穩陣嘅嘅！
事發已兩年多的廣播道鹹豬口事件，最近因為TVB 魔術手現形，再挑起女DJ 條筋成為熱話。據知兩年多前商台903多位女DJ 當時都分別接到一名自稱是女導演麥婉欣的女子來電，並被對方言語誘騙下，自爆房事，疑似被集體性騷擾。
坤人講房事
據知受害女DJ 包括謝茜嘉、99Wing （張穎妍）和Mini （蔡冕麗），甚至連樂壇組合Pixel Toy 女主音Candy （胡詠絲）都領嘢，雖然來電顯示是陌生手機號碼，但來電者自稱是拍過《蝴蝶》兼跟何韻詩十分老友的女導演麥婉欣，加上對方的聲線與麥婉欣勁相似，又能清楚說出女DJ 的暱稱，令一眾跟麥導演相熟的女DJ 未有懷疑來電者的身份。
據悉，來電女子自稱要拍一套以女性房事為題材的紀錄片，為資料搜集向眾女搜集房事習慣，雖然問題極之深入及私隱，但三位DJ 為幫朋友都不虞有詐，大膽暢談一番。
真實騷擾問題
2 年前多名女DJ 於深宵時接獲匿名人士電話，對方以電影資料搜集為名，勁問房事，內容超大膽，據知有DJ 曾不虞有詐如實作答。
你同你老公幾耐行房一次？
你哋最常用姿勢係乜？
你願唔願意幫老公口交？
咁你老公肯唔肯幫你口交？
903DJ
謝茜嘉
Pixel Toy 主音
Candy （胡詠絲）
903DJ
Mini （蔡冕麗）
903DJ
99Wing （張穎妍）
疑似四大苦主
事發於07 年中，多位903 電台女DJ 及歌手收到自稱是女導演麥婉欣電話，大問閨房私隱，苦女中，最終只有細蘇老婆99Wing 自認真有其事。
99Wing ：「兩年前麥婉欣係打過電話畀我，聽講謝茜嘉同Candy （Pixel Toy 主音）都有收佢電話，係話為電影搜集資料，但嘅問題冇咁深入嘅，呢啲嘢你哋要問公司（商台）至得！」
導演麥婉欣（左）同何韻詩老友鬼鬼，05 年為何韻詩（右）拍攝歌曲〈汽水樽裡的咖啡〉時，就叫何韻詩作女性化打扮真空低V 上陣，可見何詩對佢信心十足。
麥婉欣：「備咗案」
自爆閨房樂後，所謂紀錄片卻未見有出街，成班女DJ 紛紛致電麥婉欣求證，但麥導演卻表現莫名其妙，並懷疑自己被人冒認招搖撞騙。慘被套取私隱又苦無證據追究，903 鹹豬口至今成為廣播道無頭公案。
被拖落水疑似鹹豬口的麥婉欣接受本刊電話訪問時，則表示遭人冒認作惡：「呢單嘢好耐㗎啦喎……你哋喺邊度聽番嚟㗎？（DJ Wing 都話係你打過畀佢喎！）冇可能！我同阿Wing 好熟……一早講咗係有人冒認我，我報咗警備案㗎啦！你哋再寫我唔排除會循法律途徑追究㗎！」
俾人冒認抽水，難怪麥導演咁火嘅，不過就算全世界唔信你，身為老友嘅何韻詩都一定幫你撐到底嘅！
講性都可以好健康（真實對白）
圈中識人多
麥婉欣98 年於演藝學院電影系畢業，一直活躍於獨立電影界，05 年拍攝由何超儀和田原主演的女同電影《蝴蝶》而為人認識，近年除了幫何韻詩拍攝MV 外，連謝安琪的入行作〈姿色份子〉亦是由她執導MV ，才華洋溢，難怪有人借佢渾水摸魚。
新晉天后謝安琪出道MV 〈姿色份子〉（右圖），就係麥婉欣執導，已為人妻又是人母的Kay就話談性好正常：「好耐之前識麥婉欣，佢就冇打畀我做資料搜集，但其實講性都可以好健康，冇咩大不了！」
（左至右）麥婉欣、田原、何超儀
05 年執導女同性戀獨立電影《蝴蝶》（小圖）是麥婉欣較為人熟悉的作品，雖然片中何超儀及田原同性性愛鏡頭相當大膽，但麥婉欣就強調自己並非同性戀。
羅志華
滿足個人慾望
狂徒問人房事咁大膽，據心理學博士羅志華話原來咁已係病態，羅博士說：「佢咁問根本係滿足個人好奇同慾望，試過有病人透過問人性生活習慣而自慰，真係做調查應該係以不記名、唔表露身份先正確！」
梁永鏗
唔算性騷擾
透過電話問人性生活，律師梁永鏗話咁樣唔算性騷擾：「香港暫時未有法律管制女性性騷擾其他性別人士，而且透過電話問人性生活等問題冇欺壓性，你可以收線唔答，所以唔算性騷擾，但係佢可能會被控告透過電話發放或傳播淫褻內容，最重可判罰1,000 元同入獄2 個月。」
