陳爽挾《07年國際中華小姐》季軍之名加入無，因氣質與台灣名模林志玲相近而獲廣告商垂青，以健康的性感形象擔任美容中心代言人，不過她自言身形不夠林志玲Fit，要找美容公司幫手。
這次陳爽為美容中心拍海報，以十多個型格及性感造型上陣，拍攝泳裝部分亦未有尷尬，她說：「我唔介意性感演繹廣告，影得靚同健康就會接受，而且我做足安全措施，唔怕走光。」
對於獲廣告商睇中有台灣名模林志玲的相貌及氣質，陳爽興奮地說：「我選中華小姐時記者都話我似林志玲，朋友都有咁話我，我覺得側面有似，佢身材咁好，係台灣TopModel，我都想似佢有咁好成就。」不過相比林志玲驕人身材，陳爽自嘆不如：「我5呎6吋半高，雖然唔夠110磅，但仲可以再瘦，上鏡會好睇，所以真係要搵美容中心幫手。」
羨慕阿佘易搵「男友」
陳爽又大讚無花旦個個又瘦又靚，當中她最欣賞佘詩曼，尤其阿佘的高度不高亦不矮，容易配襯不同類型的男主角。陳爽現時主要擔任TVB8娛樂節目主持，經過一年努力和鍛煉，已有不少進步，她期望廣東話也有所進步，將來一嘗拍劇的滋味。
