羅霖、陳爽和趙海珠等前晚應邀出席在尖沙嘴舉行「2015國際太太總決賽暨亞洲十大傑出女性頒獎典禮」，人妻陳爽誕下囝囝十個月，已經回覆當年勇，身材弗爆，露出四吋事業線，大談評選國際太太新標準，她說：「要事業型女性，夠堅強，我都合資格。」
陳爽被指人妻行性感，老公是否批准？她說：「生完BB後少咗，不過今晚我係尊重場合，做嘢佢會支持，而且今日都唔算性感。」陳爽表示老爺奶奶亦不會介意，因為他們思想開放，只會叫她不可以輸。TVB出現逃亡潮，陳爽說：「唔同人有唔同選擇，當日係我自己想轉行，先離開TVB。𠵱家要湊B，又要打理專賣店，拍劇就唔會喇，做主持可以諗。如果返內地拍劇，都要計劃嚇，始終我想多啲時間陪BB。同老公有共識生第二個，但未再傾幾時。」
祥嫂洪金梅前晚與黃夏蕙一同出席「2015國際太太總決賽暨亞洲十大傑出女性頒獎典禮」。
趙海珠透露LINE被黑客入侵，好彩朋友醒目沒有被騙。
羅霖變身做打女，跟武指學習基本動作，搞到周身瘀。
羅霖做打女周身瘀
半百兼失婚的羅霖事業再創高峰，最近成功接拍打戲，準備由性感熟女變身超級打女，但過程相當辛苦，她說：「今次係自己人生嘗試第一次做打女，跟武指學習基本動作，搞到周身瘀，有個動作要踢武指個肚，但就踢低咗少少，之前有個動作好彩係pat pat落地，唔係條腰落地，如果唔係會傷到腰，好彩我有玩開柔軟體操，二仔同細仔都好期待，因為佢兩個都有學拳。」
趙海珠自爆LINE被黑客入侵，冒名找她的朋友買點數卡，她說：「早幾日朋友同我求證，我先知。我覺得啲騙徒好儍，我啲朋友仲玩番佢轉頭，問佢幫人買點數卡可以賺幾錢，分番傭俾我，激到對方想爆粗。LINE騙案都唔係新鮮事，我個日本朋友都收到，佢見『我』用中文，已覺奇怪，所以冇上當。我啲朋友都好叻㗎。」
採訪：譚倩宜
攝影：陳順禎
from:
http://hk.apple.nextmedia ... 150925/19308464
