胡杏兒明晚在澳門金莎舉行首個迷你演唱會，前日她在新蒲崗一間排舞室排練，雖然她上月底推出的新唱片以慢板和中板歌為主，但為了增加熱鬧氣氛，杏兒安排一首串燒快歌配合舞蹈。杏兒只花了數小時便完成排練，如此迅速乃拜之前參加《舞動奇跡》所賜，她說：「其實part 歌係之前演出《舞動奇跡》時跳過，今次就改動咗少少，所以都唔難練，多得過時苦練咗兩個月，訓練到可以好快就記熟所有舞步，希望下次再出唱片時可以加多啲快歌。」
盼紅館開個唱
杏兒之前參加多次《舞動奇跡》，故此今次跳舞對她來說難度不高。
雖然是首個迷你個唱，但杏兒的心情不算太緊張，她說：「之前喺無線台慶都跳開舞，大家反應唔錯，所以對今次演出都幾有信心。」問她目標是否在紅館開演唱會？她說：「嘩，紅館？當然係其中一個，就算係九展，個場地都唔錯喇。」採訪、攝影：魯萍
胡杏兒被多名舞蹈員抬高，但她面無懼色，非常鎮定。
