無線宣佈裁員兼凍薪，但主持《蘇Good 》的蘇施黃卻牙擦擦稱若不加薪便不會拍第三輯。昨日阿蘇於天水圍宣傳《蘇Good 》，她表示無線購入第二輯時比首輯已加碼，對於無線實行凍薪，會否擔心第三輯不獲加價，她說：「唔驚！我實鐵價㗎，講唔岩咪唔做咋，唔好以為啲錢全部都係我落袋先得，當初第一輯我哋成班人都好多冇錢收，仲要倒貼。」對於無線裁員，阿蘇說：「每個公司都有佢嘅做法，打工嘅要學識居安思危，自己做得好嘅話，呢間公司唔要你都有第二間要，所以自己要自我檢討。」關詠荷昨日現身九龍灣，她也替被裁員工感到難過，她說：「梗係唔想，TVB 有錢搵，有啲大企業指標唔達就去縮減，係咪裁員之外仲有其他方法呢？員工幫公司捱咗咁多年，被炒真係好慘。做人最緊要係有情有義，搵錢係必然，感情同賺錢中間應該仲有可行嘅辦法。」
胡杏兒投訴近日忙於拍劇沒有時間接job 搵真銀。攝影：林德雄化妝：Cyrus （Beauty Tech ）髮型：Kel （HH ）服裝：PATRIZIA PEPE場地：Neway
關詠荷替被無線裁員的員工感到難過。
杏兒嘆冇時間搵真銀
胡杏兒昨日到商台舉行新碟發佈會，其姊一家三口也有到場支持，對於近日無線裁員凍薪，杏兒就說：「冇辦法，要同公司共度時艱，自己仲有幾年約，我最近都拍緊劇好難出去接job 搵真銀。」李香琴與商天娥早前分別與無線續約兩年，琴姐更稱獲加薪二百大元，足夠助養多一名小孩，商天娥則慨嘆說：「前晚仲見啲人去拎20年金牌咁開心，點知第二日就炒人。其實出力啲做嘢就唔會俾人炒，同埋過咗09年公司賺咗錢都應該加番啲。」採訪、攝影：王崇穎、魯萍、李珮洳、藍嵐
阿蘇現正與無線洽談第三輯《蘇Good 》，堅持要加薪。
