一向擅於扮鬼扮馬的王祖藍，前晚使出撒手
扮人氣烹飪家蘇施黃、時事節目主持林超榮及美國總統奧巴馬，為手機品牌拍短片，造型維肖維妙，輕輕鬆鬆賺取6位數字酬勞。王祖藍笑言自己天生樣衰，所以最難扮演的是靚仔林峯。
憑扮鬼扮馬演藝天份上位的王祖藍，前晚到柴灣為手機品牌Motorola 拍攝短片，今次王祖藍使出撒手
，分別扮人氣烹飪家蘇施黃、時事節目主持林超榮及美國總統奧巴馬，王祖藍扮相神似，造型入型入格，扮蘇施黃時穿上格仔衫、化濃妝和做出她的招牌打交叉手勢，相當搞笑。
老翻
原裝王祖藍扮蘇施黃（左圖），驟眼看上去與原裝版本的阿蘇（圖）相當神似。 資料圖片
整鼻扮林峯
搽黑的王祖藍，扮美國總統奧巴馬十分搞笑。
接著王祖藍上穿西裝外套，下穿睡褲拖鞋扮時事節目主持人林超榮，最後則全身搽黑扮新任美國總統奧巴馬，個個造型都維肖維妙。王祖藍說：「今次扮呢幾位人物，係我同廣告商一齊傾，覺得佢哋三個都好hit ，所以咪扮。三個之中我覺得蘇施黃比較易扮，因為佢個鬧人樣同招牌交叉手勢好突出，反而林超榮就難扮啲。而奧巴馬就好似扮十八銅人咁搽黑晒。」問到王祖藍覺得誰人最難扮，他笑說：「梗係靚仔最難扮，因為我咁嘅樣，林峯呢啲靚仔就難扮。」記者笑說若要扮林峯先要整一整個鼻，王祖藍聞言笑說：「扮邊個都要整吓個鼻先。」會否扮演一向以鼻大成為標記的成龍？王祖藍說：「我冇扮過成龍，唔係怕人鬧，但我成日扮人都怕扮到悶，耐唔耐先扮吓。」至於酬勞，王祖藍透露有6位數字，感到相當滿意，由於之前的廣告反應不錯，故此有關方面已斟洽他再接另一工作。採訪：王連連攝影：黃偉雄
王祖藍拿起鑊鏟扮蘇施黃鬧人，在旁工作人員都捧腹大笑。
from
http://appledaily.atnext. ... art_id=12175986
