搶花球 老闆林建岳（左）上台，個個都熱烈歡迎，但何韻詩特別熱情，伸出雙手搶花球款。
上星期三東亞娛樂宣布12月搞「東亞華星演唱會」，老闆林建岳吹雞喎，東亞歌手包括劉德華、王菀之、何韻詩等等當然列晒席啦。
影大合照時，老闆岳少點少得。老闆上台喎！何韻詩即刻「做嘢」。佢先嚟接待員上身，伸手想拉岳少埋佢側邊，可惜岳少唔領情，情願企響At17林二汶隔籬喎。
唔緊要，仲有第二次機會。攝影師話影唔晒，叫岳少插入中間，何韻詩又遞出「接待之手」，點知岳少又唔受，黐埋王菀之側邊，
就
咗啲，不過何詩你咁襟撈，即使金融海嘯遲吓要縮皮炒友都唔輪到你啦！
望實 搶「花球」失敗，何韻詩依然望住老闆笑，係咪明顯咗啲呢！
陪笑 何韻詩精神可嘉，老闆向左走向右走都唔放過，可惜岳少行嚟行去，情願行去王菀之度都唔埋佢身。
