管家仔林
大有機會奪雙料視帝獎，佢自信十足話：「獎，就一定想嗱，我好有信心。」林公子新碟仲大賣三萬張，佢話親筆簽名嘅CD 出面已經炒到成二百蚊隻！
管家仔林
對今年無線視帝似乎志在必得，做視帝確係好威，不過大獎未到手，林
其實已經好有視帝氣勢。
據知林
接job 除咗收9萬視帝價外，仲訂下四不政策，有錢收仲包保又型又威，全世界最so 係你。
Rule 1︰唔提女神
林
同鍾嘉欣緋聞傳到咁行，廣告商想叫林
用拼圖手法「唔覺意」拼出自己心目中女神鍾嘉欣個索樣搞吓gimmick ，不過林
又係唔制。
Rule 2︰唔掂model
據知廣告商最初想叫林
幫model 化妝兼set 頭，不過林
自稱唔識化妝為由拒絕，最終係咁意用閃粉掃吓隻手就算。
上週六（18日）無線公子林
收近10萬接咗新鴻基做主辦嘅新都會商場騷。亮相一粒鐘，但一到林公子就相當揀擇兼錫身，講明唔可以俾人掂之餘、緋聞亦禁絕擺上枱。據知情人士透露：「開頭廣告商提議過幾個遊戲畀佢，佢都拒絕晒，一時話唔可以俾人掂、一時又話唔提得緋聞，連同嘅model 一齊catwalk 出場都唔制；陳豪、黃宗澤都冇佢咁多要求。」問到主辦單位林
多要求，大會推廣經理陳小姐就話：「我哋指定搵林
，都預備咗個半月㗎，最緊要現場氣氛好啫！」人紅原來真係乜都得！
Rule 3︰唔行catwalk
之後主辦商又想叫林
行頭帶班model 以catwalk 形式行出台，林
又話自己唔係model 拒絕，改由自己壓軸，搞到成個化妝大師咁出場。
Rule 4︰唔肯握手
之前大會度過一個夾氣球遊戲同現場市民一齊玩，林
又話唔制，睇佢連簽CD 都唔肯同人握手，玩夾波咁唔型更加唔使旨意。
連嗱兩獎
除咗接job 多要求，林
對於視帝獎項亦志在必得，據知更曾向高層要求連二奶獎「我最喜愛電視男主角」都要嗱埋，知情人士還說：「佢想學陳豪上屆包辦兩個獎，因為得一個獎，即係輸畀陳豪，林
咁要面梗係唔制啦。」林
亦唔客氣搶獎話：「獎就一定想，我有信心㗎！至於嗱晒兩個獎，我自己就未聽過喎！」
