憑寸嘴、囂張成名的蘇施黃，去年在有線主持飲食節目《一粒鐘真人蘇》，以敢言作風踩場，毫不留情地叫食肆執笠，成為嘴刁食評家。
最近阿蘇為無線主持新一輯飲食節目《蘇Good 》，表面上作風收歛不少，但背後「鬧人唔使本」性格變本加厲。有工作人員爆料，話阿蘇近日躁爆升級，鏡頭後鬧人鬧到狗血淋頭，而索廚妹Kendy 更不忿被鬧「死蠢」、「白癡」，一怒之下劈炮唔撈！
無線新節目《蘇Good 》，形式與之前有線的《一粒鐘真人蘇》相似，是以教煮餸及介紹食肆為主。不過，阿蘇在今次的節目中，明顯減了戾氣，唔再嘈喧巴閉猛鬧，介紹的食肆亦是間間自己人，有讚冇彈。節目調校過後，播出以來收視不俗，平均收視有25點（162萬5千觀眾）以上，阿蘇更不時搞戶外的遊戲節目，為節目造勢，並與fans 們打成一片。
表面上阿蘇笑容多了，喪鬧人的火氣少了，但其實暗火比明火燒得更旺。據知今次《蘇Good 》的製作，完全由阿蘇找來的「好合拍製作公司」一手包辦，無線只是買播映權，所以幕後班底完全由阿蘇話事，可說是順我者生，逆我者亡。
鬧人死蠢
幕後人員爆料︰「阿蘇平時都難頂㗎啦，郁啲就鬧到人狗血淋頭，近排仲躁多兩錢重，嗰個幫佢煮餸嘅Kendy 俾佢鬧得最甘，不但又『死蠢』又『白癡』咁鬧人，有次仲離譜到話︰『你有冇帶腦嚟㗎？我唔想再見到你！』搞到佢當場眼紅紅，其他人雖然睇唔過眼，但都唔敢出聲。」
10月5日，阿蘇在愉景新城舉行派米活動，現場所見，阿蘇十分親民，與fans 攬住合照又言談甚歡。不過，當記者向她求證鬧走助手時，她又再發揮勁寸及躁爆本色，嘴藐藐默認。
忽：節目女助手Kendy 係咪你搵？
蘇：唔係女助手，求其搵條友切吓嘢啫，依家變咗Easter 啦，唔係Kendy 啦！冇乜所謂啦！邊個切得好咪邊個囉！
忽：點解Kendy 唔做？
蘇：唔係唔做，你知我啦，邊個切得好邊個切得到，咪邊個囉！
忽：Kendy 係咪俾你鬧到喊？
蘇：梗係啦！佢（指住男助手）都俾我鬧到喊㗎！我assistant （助手）有邊個未俾我鬧喊過，你同我做耐啲都可能俾我鬧到喊。
Kendy 嘅fans 將第五集同第十集嘅精華片段放上網，本刊發現Kendy 因錯倒豬潤水，俾人鬧都唔止，到第十集又再俾阿蘇翻舊帳。
KFC 靚女模
Kendy 今年24歲，5呎4吋高，三圍34B 2434，樣子甜美加上身材均勻，拍過唔少電視廣告，06年更與側田拍過KFC 廣告，兩年前已經嫁人。
鍾意當眾鬧
忽：聽講你經常「死蠢」、「白癡」咁鬧人？
蘇：如果我真係咁樣鬧嗰個人呢？佢真係要自己檢討吓啦！佢都真係好白癡！
忽：你當眾咁鬧人喎！
蘇：我唔會匿埋做啲陰陰濕濕嘢，我要鬧你，就會當住咁多人鬧。
忽：怕唔怕咁樣……
蘇：hurt 親人嘅feeling 呀？（提高聲線）我點樣大呢？我嗰時已經叫蘇施黃，喺通利琴行打工，每朝十點三我就要企喺度，揸住本簿俾老細日日鬧足45分鐘，一個人要進步就要睇吓人哋點解咁樣鬧我呢？我今日都仲學緊『never say no 』！要做件好事呢everything is possible ！依家啲細路個個都懶。
忽：怕唔怕啲同行怕咗你，唔敢同你合作？
蘇：唔緊要㗎！我真係唔介意㗎！同得我合作嘅一定係叻人，如果嫌我呢嫌我路，咁佢工作一定有問題，佢咪唔好賺我呢舊錢，去賺easy money 啦！我啲錢好難賺㗎！
忽：你睇唔過眼係咪會即刻鬧？
蘇：梗係會！（你比較嚴格？）嚴咩格啫，我個人根本就係咁差，哈哈……係真嘅，樣樣嘢都有要求，如果standard 唔夠高，今日都唔係我啦！你諗吓我入行30年，唔好話企，挨都難啦！我企到30年固然有啲執著、固執，我係咁乞人憎！
唔敢得罪阿蘇
本刊致電Kendy ，她一聽到記者問及蘇施黃時，即顯得避忌，說：「節目係阿蘇嘅，所有嘢都尊重佢決定。（點解換咗Easter ？）depend on （視乎）佢哋點決定，我完成咗。我哋唔係合約制嘅。（阿蘇有冇當眾鬧你？）唔講，自己睇啦！（做呢個節目開唔開心？）見到播出街好開心。（咁錄影時呢？）我會用各種方法令到自己做嘢開心。」
呢行咁細，Kendy 又係新人，佢唔敢得罪阿蘇可以理解嘅，不過，阿蘇亦欣賞有「吉士」的人，如果夠膽頂番佢，或者反而會殺出一條血路，好過俾人攃住嚟鬧！
10月5日，阿蘇同泰山（右）在愉景新城派米時，有小女孩上台嗱米，阿蘇即席玩細路，叫佢講句最深的英文嚟聽，小朋友話：「interesring ！」阿蘇即時寸爆：「哦！呢個字就最深㗎啦！」
煮乜我話事
據知有工作人員投訴，阿蘇臨場才通知今日煮乜？對於呢項控訴，阿蘇亦寸爆回應：「咁就算我今日諗住煮五花腩，但街市買唔到靚貨，點煮啫？你script writer （撰稿員）要我就你？有病呀！個節目係我，唔係你㗎！」
阿Moon EQ 高
阿蘇躁爆鬧走Kendy 一事，阿蘇舊助手阿Moon 亦有聽聞。她說︰「我都聽過呢件事！咁阿蘇做嘢有要求啫，可能佢做咗啲嘢影響成個工作，俾佢鬧好正常啫。（有冇試過俾佢鬧死蠢同白癡？）都有嘅，佢對個個都係咁嘅口
，做唔到佢嘅要求，阻住收工，佢梗係發忟憎，始終佢嘅身體狀況唔可以拍攝太長時間。跟佢做嘢，一定要keep 住醒醒目目，佢叫你做呢步你已經要諗定下一步。不過，我就覺得與其喊，不如諗吓點做唔會俾佢鬧好過。」
有讚有彈
新一輯《蘇Good 》播出後，網友熱烈談論，雖然有人嫌阿蘇把聲嘈兼煮餸唔掂，但亦有人欣賞她真我個性及幽默感！
讚
彈
講開鬧人一事，阿蘇滔滔不絕，十分勞氣話自己鬧人鬧得啱！
據幕後人員透露Kendy 本來會拍足60集，但因為頂唔順阿蘇，拍剩十幾集已經走人！
嗱錯兜都鬧
節目中不時見到阿蘇鬧Kendy ，不過已經算好溫和，皆因勁鬧嗰啲已經剪咗！
第十集
