GetJetso Facebook 專頁
發新話題 Report thanks

陳豪瞬間醒覺學習Say No 重定方向

1# 大 中 小 shingling (IP: x.126.240.x) 發表於 2008-10-5 12:14  發短消息 只看該作者
相關主題: 陳豪

陳豪瞬間醒覺學習Say No 重定方向圖片1
近年陳豪才認識到自己不是Yes Man，適當時候是識Say No。

陳豪瞬間醒覺學習Say No 重定方向圖片2
陳豪重定人生方向，想盡快實現開Coffee Shop的夢想。

隨《家好月圓》大收旺場，劇中主要演員都被「名成利就」衝而來，連荷媽（李司棋飾）、Sa姨（關菊英飾）和（李香琴飾）均表示工作應酬接踵而來，應接不暇。身在高處最重要是讓自己冷靜下來，不容外在環境的虛幻打亂陣腳。由去年以大熱身份稱視帝，到今年仍然是大熱姿態決戰最佳男配角，陳豪反而在鋒芒時候讓自己靜下來反思過去。08年，他指最重要的不是得獎與否，而是要眼界廣闊，重整人生方向：「08年我由年頭飛到呢一刻，去過十五個國家見識，令我眼界大開，睇事都變得宏觀好多。亦因為拍《家》我佔戲份唔多，就令我有更多時間靜落，諗條路應該要點行。過往拍戲係我生活全部，別無其他，但依家我醒覺唔係，除拍戲，我仲需要有理想，有時間去陪伴家人。我好想開Coffee Shop，好想搞一個屬於自己藝術品牌，如家品或者係畫。」





學「沽」實現理想



他續說：「依家要開始計劃發展，我唔想做到五、六十歲先發現自己原來有理想，但已相逢恨晚。在達成理想之先，首先要學習管理自己，做好演戲，唔好只係浮誇，而係更加需要演得實淨，然後先可以有更多機會遇上好劇本同好監製，過往搵到錢同其他人一樣，都用晒還債、還卡數，依家要學將賺到錢要點投資，依家拎起份報紙會留意財經版，留意股市上落。」在《家好月圓》演沽，終於出興趣來。


唔易信人少講心事



陳豪在圈中最贏得人心的不是演技，而是人緣。他健談，並永遠擺出一副溫文態度，再掛上一個入晒屋的親切笑容，可以配合你的盡量配合，永不Say No。但陳豪坦言近年才真正認識自己，原來不是一個Yes Man：「我一直都好就得人，人話乜就乜，寧願將自己意見收埋，但原來係我唔識表達自己意見，先至搵個理由收埋自己所想，收收埋埋太多就會爆發。我知道要學Say No，亦要學同朋友分享意見，過往我好少同朋友講心事，因為我唔易信人，總覺得冇人比自己更可靠。」

陳豪瞬間醒覺學習Say No 重定方向圖片3
一講廖碧兒，陳豪沒有傳分手的尷尬樣，反而展露甜到漏的笑容。

讚碧兒真誠甜入心



過往要衝破陳豪防守，談談緋聞女友廖碧兒，探口風的總是失望而回。今次沒想過要提這位傳聞分手的情人，但一講到他生命的恩人，他竟自動報上其名。談起她，除入屋笑容，不自覺多了一份甜，還不經意洩漏玄機。她，絕對可以影響他：「佢係芸芸女藝人中最強一個，佢好識得管理自己人生，佢好清楚自己方向，識得幾時Say Yes或Say No，除演戲用心，人際關係亦靠自己打得好，因為佢對人好真心真誠，令我好欣賞佢為人，佢啟發我做人同處事態度。」

陳豪瞬間醒覺學習Say No 重定方向圖片4
陳豪、司棋姐（右）和菊姐憑《溏心風暴》分別奪視帝、視后和我最愛女角色。


要答謝的恩人



母親

「佢一個女人帶大幾個仔，之後仲可以帶住我移民澳洲，佢好堅強同果斷。好感激佢帶我去外國，讓我見識外面世界，浸過鹹水真係會唔同，阿媽決定改變我一生。」

陳德森

「佢搵我拍第一部作品《晚九朝五》，係帶我入行恩人，但拍完部戲有人同我講：『陳豪，你唔好做呢行！』以前以為係踩我，但依家諗番，先明白人家好意，行呢條路辛苦又有太多犧牲，忍耐，付出往往同收穫又不成正比，換轉我今日見到新人，我都會咁講。」

曾勵珍

「雖然我講過好多次，但我仍然要多謝珍姐，當日若果唔係佢畀機會我，我就入唔到無，唔會有今日。佢係令我重拾信心同事業得到重生伯樂。」

後記：鑽牛角尖優柔寡斷
訪問尾聲，陳豪自言不輕易信人，不信人只因自己想得太多：「我做乜都會諗好多好多可能性，搞到好難下決定，優柔寡斷。甚至年幾兩年前，我諗得太多，個人好易鑽牛角尖，鑽到連自己都意識到，再咁落去我會黐線。點知有晚覺，突然紮醒，跟住成個人諗通晒，醒覺晒。」他說罷，令我想起他一個舊訪問，入行前是蒲精一名的陳豪，夜夜笙歌蒲Disco，有晚在舞池狂歡，突然如一個夢醒時分的畫面，射燈好像只照射他一人，然後心泛起一段說話：「玩夠，重整人生。」從此告別夜蒲，修心養性。醒覺也在一瞬間。
罪大惡極????

TOP

thanks