老細隨時走人，都係錢銀落袋最穩陣。（設計對白）
有變形人、是非精、港姐股神、新聞女王等稱號的葉翠翠，吸水本領高強，一買一賣即淨袋百萬。
05年港姐葉翠翠，出道三年，新聞層出不窮，繼被指割腎救母及整容隆胸後，最離奇是今年三月呻窮，六月中卻爆出月薪得萬三的她，竟然在一星期內連掃兩間北角半山賽西湖豪宅，共值$3,100萬。「悲情港姐」忽然富貴，惹來收入與支出不相稱，更有傳她背後有國產「大水喉」射住。
負面新聞滿天飛，不過葉翠翠一於少理。上月中（12/8）正式和父母入住豪宅，更豪氣表示一擲過百萬裝修新屋。不過多次被踢爆「大話西遊」的她，呢頭話要將豪宅孝敬父母，過頭卻被本刊發現於上周五（29/8）極速將父母住緊嘅一個豪宅單位賣出，帳面賺一百萬。
親生仔不如近身錢，葉翠翠未夠三個月即急急將新居售出套現，是擔心有朝一日「大水喉」失靈，每月供屋十多萬條數又好
脷，不如袋袋平安最實際。不過亦有報道指她冇做按揭，並分開三次，全數付清樓價。點都好，翠翠父母住唔夠一個月，就要被迫搬走。
田土廳資料顯示，葉翠翠以個人名義於6月以1,490萬購入賽西湖大廈一高層單位，並於上月尾以1,590萬賣出，帳面賺了百萬。現時葉仍持有二座低層單位（紅格），6月以1,610萬購入，以葉現時月供六萬多，而每月收租有五萬，絕對輕鬆得多。
8月12日，有雜誌拍得翠翠拖
搬入賽西湖，還揼本180萬豪裝，怎料一個月唔夠已賣出套現，真係計得好盡。《壹週刊》圖片
葉母對新居入伙一事十分緊張，入伙當天便仔細地檢查衣櫃。《壹週刊》圖片
當日葉翠翠父親指手劃腳緊張地督促工人搬運傢俬，估唔到住唔夠一個月就要搬走。《壹週刊》圖片
搬運工人將一車舊傢俬及雜物搬到葉翠翠的新居，其中一塊殘舊熨衫板，葉亦循環再用。《壹週刊》圖片
葉翠翠六月中被踢爆連掃兩間北角半山賽西湖豪宅，窮港姐自此變身上等人。不過新屋看來唔夾葉八字，自買豪宅後，葉負面新聞不絕。上月24日奧運結束後，更有傳是非多多的她被高層樂易玲照肺，繼而遭掟入雪櫃。以為葉翠翠從此冇行運，原來醒目女在短短五日時間，成功將手持的賽西湖其中一豪宅售出，帳面淨賺一百萬。
上月12日，還口口聲聲話要孝順父母的葉，被發現拖住行李
和父母正式入住賽西湖，有指她豪擲一百八十萬豪裝新居時，葉翠翠大方承認說：「都係咁上下啦！」不過，口氣大的她，其實一早打算賣樓「減磅」。「佢兩層樓加埋要成三千萬，就算俾咗三成千萬首期，每個月都要供成十一萬，佢梗係驚供唔掂啦！」一知情人說。
無敵維港
寬敞大廳
樓齡30年的賽西湖大廈，共有14座。坐落北角半山，盡覽維多利亞港。由於屬優質盤，經紀認為毋須擔心冇承接，指葉今次賣得太急。
《壹週刊》圖片
未買賽西湖前，葉翠翠父母租住三千蚊的元朗村屋，如今葉將豪宅賣出，未知兩老會否又要打回原形。
催買家快啲俾票
根據田土廳資料，葉翠翠於上周五（29/8），極速將賽西湖現居住的第一座22樓高層單位以1,590萬售出。現時葉仍持有二座5樓一低層單位。買樓時連租約，即有租客現時仍住在該單位。
據該區地產經紀表示：「佢過兩層樓，買過陣一層連租約，一層唔連。佢買樓冇幾耐，已經周圍放聲氣話岩價就賣。」該經理更表示，葉翠翠放盤放得既狠且急，「依家個市雖然淡過之前，不過賽西湖係老牌優質樓，唔驚冇買家。佢最初開價1,700萬，有兩個客嚟睇過，一個話有興趣，話價錢都OK ，但要搵日帶埋屋企人嚟睇；一個就即場壓至1,600萬左右，點知佢就
聲話賣，仲同我哋講，催個買家快啲俾票。」
去年7月
去年中，還未富貴的葉翠翠，與父母到調景嶺維景灣畔睇樓，一個700餘呎單位賣300多萬。當時她身上一件名牌都冇，與今時今日的上等人打扮可謂差天共地！
8月29日，葉翠翠成功將豪宅售出的當天，本刊發現葉父母在銅鑼灣百無聊賴地行街。
當日葉翠翠請父母食飯，飯後卻要父母獨自面對傳媒，而自己則從後門偷走避記者。
8月16日，本刊拍得葉翠翠一家三口，乘坐四十萬Alphard 星級保母車到灣仔謝斐道一日本料理晚膳。翠翠下車後即一支箭衝入餐廳VIP 房。
今年4月，葉翠翠擊敗徐子珊和陳法拉，贏得「金葉子溫泉度假村」廣告合約一份。拍廣告當日，翠翠谷罅賣笑，估唔到有「意外收穫」，獲得老闆「額外」青睞。
7月中，翠翠明知有記者吊住，亦堅持坐富貴7人Van ，途徑深圳灣，出發到度假村。老闆支笛當然要聽。《壹週刊》圖片
驚水喉失靈
據知，葉翠翠極速放盤，除恐樓市會下跌外，最擔心莫過於「水喉」忽然失靈。「我哋都奇怪佢為乜咁快賣樓，後來先知佢最近同度假村個老闆有拗撬，對方出名低調，最棹忌就係翠翠多是非，聽講佢呢排冇乜點搵翠翠。老實講，如果冇人長期放水，靠翠翠收入，又點供得起兩層樓，樓市好就話啫，最怕就係跌。佢仲話到時蝕住嚟賣，驚冇錢俾差額，所以都係食咗糊先算。」一知情人說。
賣樓快且狠，據知原來葉翠翠買樓時，同樣屬快搶手。「其實佢（葉翠翠）都算犀利，四月幫度假村拍廣告，唔夠兩個月就氹到大老細俾成幾千萬嘅樓佢揸手。佢買樓過陣，仲係臨時臨急夜晚七點幾打俾律師樓，叫人哋整份買賣合約俾佢，見個律師收工，就即刻call 第二個、第三個，直至call 到有律師肯做為止，堅持要當晚完成交易，好明顯係驚有人臨時縮沙啦！」知情人士透露。
「金葉子溫泉度假村」位於廣州增城市白水寨風景區，坐落半山之上，裝修奢華，酒吧spa 一應俱全，是國內豪客蒲點。
老細來頭猛
據知「金葉子」的老闆叫黃有龍，身邊人均稱他為「龍哥」，四十剛出頭的他，現已離婚，育有一8歲大兒子。雖然他處事作風低調，但為人豪爽，有台灣藝人為他度假村拍廣告時，亦會借出賓利名車作道具。而龍哥生意廣泛，除了深圳及廣州經營度假村外，據知在澳門亦開設一間煙廠，而且他更有一架價值過億的私人飛機。難怪翠翠掘到這個超級金礦後，即死命搲實唔放啦。
葉翠翠賣樓吸水後，本刊一連幾日在賽西湖都未見她和父母縱影，即使多次致電給她，電話亦飛落留言。
負面新聞之花
葉翠翠的確為港姐爭氣，自05年當選以來締造不少「神話」。內定冠軍、賤價搶job 、身材變形、出席富豪飯局等，她瓣瓣有齊。六月底，她被揭豪買三千萬豪宅後，立即犯眾憎，是非浪接浪。
神秘富豪包養
6月中 有雜誌踢爆葉於今年四月初，接拍廣州「金葉子度假村」廣告時，出招氹掂老闆放水，一星期內狂掃兩個價值3,100萬豪宅。
被嘲港姐股神
7月初 月薪只得萬三的葉，聲稱因有高人指點，故炒股僅一年便獲利買樓，立即被吳文忻嘲笑，「真係陸叔都要行開，開套劇叫《港姐股神》俾佢拍啦！」
被揭股票白癡
7月初 炒股掃樓新聞一出，有雜誌便爆葉曾於3月接受訪問時，自爆炒
股輸清光，該雜誌記者更用一些股壇專業術語考葉，怎料葉乜都唔識，股票白癡現形。
馬爾代夫伴遊
7月尾 有讀者爆料於7月28日，目擊葉神秘現身香港機場新加坡航空公司櫃位check in ，之後與一中年大陸男前後腳進入禁區，更偷聽到二人會到馬爾代夫旅遊。事後葉否認其事，「覺得佢哋夠創意，遲啲又話我係外星人。」
奧運主持被飛
8月初 有雜誌爆丘凱敏篤葉背脊，令葉突然被飛走奧運黃金時段主持，調去早更。事後葉向傳媒承認因此事「唔開心」。慘被拉落水的丘就一口咬定有人放料博宣傳，矛頭直指葉。
直入雪櫃急凍
8月尾 是非不絕的葉，最終觸怒無線，被雪藏以示警戒。TVB 製作資源部總監樂易玲，承認曾就負面新聞召見葉，叫她小心處理是非。事後葉否認遭雪藏。
被人夾擊杯葛
8月尾 葉在澳門出席活動時，被同場的袁彌明和吳文忻夾擊杯葛，記者要求三人合照時，葉即被經理人拉走，袁見狀即寸葉：「唔係我唔大方，係佢走咋！」葉慘變獨孤精。
