陸永太太Reina經常在網上大晒一家四口幸福照。互聯網圖片
組合農夫成員陸永在11年與女友Reina結婚，之後生下現年5歲的大女Hannah和4歲細女Kenzie。陸永太太Reina不時在Instagram晒一家四口溫馨照，不過前晚Reina帶大女Hannah出街時卻遇上不快事。
急到屙濕褲
Reina前晚在Ig透露帶大女Hannah到尖沙嘴K11買雪糕後，囡囡突然人有三急，要夾腳行路，她惟有帶囡囡衝上K11一樓找廁所，剛巧有人離開殘障人士洗手間，有見囡囡急到屙濕褲，Reina便二話不說拖囡囡入殘廁，沒料到一離開廁所便遭人責怪，Reina說：「有個女人拖住佢個識行小妹妹畀說話我聽，話『咁大個都仲要用呢個廁所』！」
Reina表示當時她第一時間向對方道歉：「我個女頭先太急，唔好意思！」但實際上她的心卻在想：「喂！我個女真係好急呀！有廁所係咪唔用呀？大家都係父母，畀啲同理心得唔得呀？你個女着住尿片，我個女真係急到瀨㗎！」
陸永指太太即場道歉的處理方法已是最好。互聯網圖片
陸永昨日拉隊出發到丹麥拍攝新節目，偶遇楊思琦。互聯網圖片
讚處理得好
對於太太在Ig的一番話，陸永昨日回應說：「我試過自己單獨帶小朋友出去，因為我係男人，唔能夠帶佢去男廁，所以有時佢太急，我都係要帶佢去殘廁。我又未遇過一啲冷言冷語，但呢一件事我覺得如果有人唔高興冷言冷語係合理嘅，因為始終殘廁係畀殘障人士優先使用，咁如果大家都係父母，可能明白到有時小朋友太急，個女就嚟瀨出嚟，咁嘅時候你可以同情吓囉，唔使當住小朋友面問佢或者話佢點解仲用呢個廁所呀。」
問囡囡有否不開心時，陸永說：「冇唔開心喎，我老婆處理手法都係我哋一貫作風，就係道歉吖嘛，呢個處理方法已經係最好，起碼唔使俾小朋友見到你同其他人爭執。」
採訪：皓騫
from:
http://hk.apple.nextmedia ... 170812/20118700
