為免再惹是非，葉翠翠連入伙都揀清晨，獨自拖住行李
返賽西湖新屋。
「港姐股神」葉翠翠，今年六月被本刊踢爆八日內連掃兩個總值三千萬的賽西湖單位，忽然發達！使錢絕不手軟，頻頻
住新款名牌手袋出席活動，更豪花一百八十萬為兩屋裝修。
不過，成為新聞女王後，葉翠翠日日被狗仔隊吼實，搞到有家歸不得，新屋裝修亦只能靠父母睇實，自己眼尾都無望過。
等足兩個月，終於入伙。本週二（八月十二日），手拉拖
的葉翠翠正式搬到賽西湖千萬豪宅，由租住萬多元幾百呎單位，升格同有錢人做鄰居，窮港姐終脫貧！
去年仍是窮港姐的葉翠翠，搬屋先到「宜家」買平價貨，現在則全部北上買靚嘢。
窮女變股神
○五年港姐冠軍葉翠翠，當選後一直被投閒置散，收入唔多；去年母親腎病惡化，為支付龐大醫藥費，她拋胸狂接泳衣騷搵錢。肯搏肯露，終於獲公司另眼相看，今年初正式簽下經理人合約。
成為無線親生女，但月入依然只有萬多元，要置裝又要應付母親醫藥費，葉翠翠窮到幾乎無錢交屋租，父母亦被迫搬住元朗月租三千蚊的村屋。
時來運到，自言靠炒股搵到第一桶金的葉翠翠，兩個月前離奇變身有錢人，八日內連掃兩個總值三千萬的賽西湖單位，由「悲情港姐」變成「港姐股神」。唔只有九百萬首期買樓，她更豪花一百八十萬為兩屋裝修！
新居完成裝修，葉翠翠父親急不及待於本月七日，即剛打完八號風球翌日搬屋，其母則一早到新屋等候搬運工人到
。
住豪宅花近180萬裝修，卻連殘舊燙衫板都唔捨得掉，葉翠翠深明搵錢艱難這道理。
葉翠翠父母上月仍租三千多元的元朗村屋，今個月已升格住三千幾萬豪宅，果然風水輪流轉。
慳家用舊嘢
自從買樓事件曝光，葉翠翠即成為各大傳媒追訪對象，日日被狗仔隊跟到實，為此，有關新屋裝修以及搬屋，她全交父母打點。
上週四（八月七日），葉翠翠父母現身賽西湖，只見葉父指點搬運工人將舊傢俬搬上新屋，雖然升格做千萬業主，並以一百八十萬豪裝新屋，但窮慣的葉翠翠仍十分慳家，床褥、風扇、舊款電視，甚至用到殘晒的熨衫板，全部搬到新屋繼續用。
「佢（葉翠翠）哋一向好慳，雖然而家富貴咗，但好多用得嘅舊傢俬佢哋都繼續用，就算新嘅傢俬，都全部喺大陸買，一來唔想喺香港被人影到相，二來貪大陸傢俬又平又靚。」知情者透露。
葉翠翠在近期推出的新劇全做大茄角色，人氣全靠負面新聞提升，更因禍得福帶挈她連接十多個商場騷。
低調入伙
一切準備就緒，一心要低調入伙的葉翠翠本週二正式搬屋，大清早獨自拖住行李
到新居，更不時耷低頭，怕被人認出。
「佢（葉翠翠）日日俾人跟，就算收樓都唔夠膽自己去，全部搵父母出面，因為之前搞咗咁多新聞，無線叫佢盡量低調，免得再有是非，所以佢唔想俾人知佢幾時入伙。」知情者說。
D&G 連身裙$30,000
忽然富貴後，葉翠翠出席任何活動均全身名牌，
個手袋閒閒哋兩三萬，豪過唔少一姐。（《蘋果日報》圖片）
Prada$20,000
Chanel$24,500
趁病嗱命
有得有失，飛上枝頭變身有錢人，但卻被人搶去奧運黃金時段的主持席位。據知，雖然負面新聞不斷，但無線仍決定讓葉翠翠在黃昏五點半至晚上十點半的黃金時間，與阿叻及楊婉儀等拍住做奧運主持，只是臨門一腳卻被人用陰招踢開。
「佢（葉翠翠）本來被安排喺開幕之後，即係八月九日夜晚做主持，但八號嗰日佢忽然收到通知，話將佢調咗去朝早同中午時段，佢原本個位就由丘凱敏頂上。收到新rundown 後佢喊到收唔到聲，因為佢覺得自己呢排咁多負面新聞，但公司仲用佢做黃金時段奧運主持，證明無線信佢，點知最後被人搶咗個位，所以佢好唔開心，食唔落嘢，瘦咗好多。」知情者說。
10:00入廠
本來可以在黃金時段做奧運主持的葉翠翠，突被丘凱敏踢走，要捱眼訓晨早入廠做直播。
18:00入廠
舊
原先的通告清楚寫明葉翠翠五點半至十點半這段黃金時間做主持，但新版本（右）已改為早上十點至黃昏六點半。
新
臨門被踢
忽然被踢出黃金時間，葉翠翠曾向公司問個究竟，不過無線卻無解釋。據幕後工作人員透露，由於葉翠翠的主持形象已成型，丘凱敏深感自己地位受威脅，早已想剷除眼中釘，今次趁對手負面新聞纏身，於是借勢游說監製更改黃金時段主持人選。
「Anna （丘凱敏）同監製講話自己唔想做朝早嗰part ，驚會水腫上鏡唔靚，其實佢一直覺得翠翠未夠班做黃金時間，佢認為自己應該坐正，佢仲專登拖到最後一分鐘先搞事，等葉翠翠無彎轉。事後葉翠翠周圍問人係咪自己有咩做錯，高層同佢講話唔係佢做錯，不過就無解釋調動嘅原因。」
上週六（九日），葉翠翠一早返將軍澳電視城主持奧運，被問到被調離黃金時間，她強顏歡笑：「時間係調咗，我都係開幕嗰日（八月八日）先知。（知唔知點解？）我有問過公司，個答案就係突然要調時間。點都好，我會繼續做好自己份工。」
傳奇女子
草根出身，最終被富豪睇中，一躍成為上流社會名女人的灰姑娘，娛圈有，名人圈亦有。
甘比
原本任職娛樂記者的甘比（陳凱韻），因工作關係認識大劉，更獲對方睇中愈住愈豪，近日有指甘懷孕後母憑子貴，獲大劉送贈市值約6,000萬的Mayfair 豪宅，並帶挈一家富貴。
梁洛施
父親早喪，母親要在夜場搵食的Isabella ，去年搭上李澤楷後，生活開始富貴，除了被安排入讀有貴族大學之稱的史丹福大學外，課餘學習的騎馬、功夫、跳舞全屬貴價活動，加上在美國住千萬豪宅月使數十萬，變身上等人。
四太梁安琪
13歲喪父的四太，教跳舞賺錢維持生計，因而有機會認識同樣愛跳舞的賭王何鴻燊，成為賭王四太後，坐擁億萬生意、物業，富貴迫人。
（《蘋果日報》圖片）
月入30萬
葉翠翠忽然富貴，成為新聞女王後人氣急升，短短一個月，接了十五個商場騷，進賬30萬。
1/7︰李寧創立運動品牌
7/7︰夏日大曬俏衣裳
16/7︰尖沙咀行騷
18/7︰上環Xbox 360活動
26/7︰Veyas Beauty 深圳旗艦店代言人
27/7︰泳衣騷（屯門）
3/8︰荃灣商場show
15個×2萬=30萬
大事是非
四年先有一次嘅體壇盛事，無論奧運定世界盃，一向是歌手、藝人心目中筍job ，同錢無關，純粹顯示個人分量。多人爭自然多是非，過去不少奧運主持鬧不和，面左左。
（《蘋果日報》圖片）
方力申、葉璇
2004年，無線播映《雅典奧運開幕典禮》直播時，方力申與葉璇在不知道鏡頭對喺他們的情況下，方力申怒氣沖沖對葉璇說：「你寸我呀嘛！」有指由於葉璇搶咪爭對白，令方力申十分不滿，之後兩人一直被安排分開採訪，未有再度同場。
（《蘋果日報》圖片）
林敏驄、李克勤
林敏驄出席「無線2002世界盃」記者會，其間被指撩女仔及大講不文說話，被李克勤以香檳淋頭作懲罰，其後，林的前妻陳伶俐聲淚俱下炮轟李克勤冇人性，並暗示對方是偽君子。
