雖然係港姐冠軍，身材亦發育再發育，但葉翠翠仲有好多「細位」未掂，有排執。
葉翠翠自從被揭買3千萬豪宅後，一直被同行冷嘲熱諷，又被傳媒窮追猛打，講真句，都幾慘。圈中忽然富貴嘅女藝人數之不盡，佢又唔係第一個，亦唔會係最後一個，惟有嘆一句何必偏偏選中我。
媽咪姐喺呢度唔想落井下石，或者追究翠翠嘅發達之路。只不過，如果以翠翠今時今日嘅身家嚟講，佢嘅表現就唔多配合咋。點解？大家睇相就一清二楚。
幽冥鬼爪
老樹盤根腳
漏氣波波
今年4月，係葉翠翠嘅「高峰期」，逼爆感令人耳目一新。如今，真係今時唔及往日。
既然發咗達，咪使少少錢再執執佢啦！
上周三（16日），葉翠翠喺海港城出席一時裝騷，記者追問度假村富豪包養一事，佢緊張到猛搣自己右手，仲死撐話：「我唔驚，又冇做過，又冇影到相！」
同樣搭上富豪嘅張可頤（右）當日亦有出席，不過張被問及葉嘅事時，明顯劃清界線：「等我了解係乜嘢事先。」
真波硬撼
當日同場有「翻版樂基兒」Chrissie 著比堅尼上陣，盡晒32D 身材，以波論波，葉翠翠輸到冇影。
