近日不斷被追問忽然「發達」因由，葉翠翠答無可答，只不停重複不會理會報導，只重視家人，答非所問。
○五年港姐冠軍葉翠翠，上月被本刊踢爆忽然富貴，八日連掃兩個總值三千萬的賽西湖單位，由月薪萬三的窮港姐變身千萬有錢人的她，死撐話靠炒股發達。
不過，葉翠翠三個月前仍周圍同人呻自己炒股蝕入肉，窮到萬多元的屋租都無錢交，父母更被迫搬住元朗月租三千蚊的村屋，炒股神話不攻自破；成功脫貧，全因她搭上內地高級度假村老細。
今年四月，葉翠翠替廣州金葉子度假村拍廣告，因而認識富豪老細，自此便周身名牌，更奇蹟地投資千萬首期買豪宅，由「悲情港姐」變身「港姐股神」！
葉翠翠搭上金葉子老闆後，連新開設的公司名也似到十足，露出二人關係的玄機。
八日內買兩個總值三千萬豪宅，卻「唔知價」話會用10萬裝修，被人笑到臉黃。
之前不停呻窮，連著泳衣做記者會都肯制，現在搵到老細終於脫貧。
公司名露玄機
葉翠翠當選港姐冠軍後，一直被無線投閒置散，參演的電視劇只做路人甲乙丙，收入有限，去年更因母親患上腎病而狂接泳衣騷，賺取醫藥費救母。
為搵錢，葉翠翠搏到盡，乜騷都接一味爛做，更不斷自我「增值」，由單眼皮、扁鼻變成雙眼皮兼間尺鼻，上圍亦由32A 升級至34D 。改造成功後葉翠翠自信心大增，頻頻出席富豪飯局搵老細，向有錢人出發！
拋胸搵食終有收穫。今年四月初，葉翠翠接拍廣州「金葉子度假村」廣告，並成功
掂老細放水，自此，她出入坐星級保母車，月薪只得萬三元的她，日日
住新款Chanel 手袋，一個月後，更以個人名義連掃兩個賽西湖逾千呎豪宅，總值超過三千萬。五月尾，葉翠翠成立了一間名為「紅葉子有限公司」，連公司名都同度假村名同氣連枝，可見她與金葉子老闆關係有幾親密。
本月十二日（週六），葉翠翠出席活動後即由「老細」安排的七人車接載，經深圳灣口岸返大陸，根據度假村網頁資料顯示，這是往「金葉子度假村」必經之路。
$19,500
$24,500
一直牛記笠記打扮的葉翠翠，早前出席公開活動，頻頻Chanel 上身，個個手袋都萬萬聲。
中國人壽股價走勢圖
破解股神之謎
要買兩層總值三千萬的豪宅，以三成首期計算至少要九百萬元，葉翠翠一直說自己一年內靠中國人壽（2628）賺到第一桶金，根據她的說法，必先要有450萬元資本，然後在07年5月以每股$25.8買入174,418股中國人壽（2628），然後在07年10月$52高位全部放出，才能締造這個完美神話。
日日有傳媒追訪，自以為好紅的葉翠翠，本月十一日（上週五）晚上九點幾，特登落樓買汽水給記者影相。
為節省開支，葉翠翠父母現在租住元朗八鄉三千元村屋，出入則以「錢七」代步。
葉翠翠經常孖住父母出入，如今買了千萬豪宅，亦會與父母同住。
一個月斬千萬
被踢爆忽然富貴，葉翠翠連日來面對傳媒，不斷死撐自己炒股致富，但有記者問她ELN （股票掛
票據）及Accumulator （累積股票合約票據）等熱門股票專有名詞時，她卻口啞啞唔知係乜。
上週六（七月十二日），
住價值兩萬多元Chanel 袋的葉翠翠，出席「中國人的驕傲剪紙藝術展香江巡展」活動時，還力挺自己無富豪照顧，所以唔怕狗仔隊跟。口口聲聲話自己清白，但活動後，她即坐住豪華七人Van 直駛深圳灣，向金葉子度假村方向駛去。
「佢（葉翠翠）而家一有時間就要返廣州或者深圳見老細，嗰個人係度假村其中一個姓黃嘅老闆，識咗唔夠一個月就氹到人哋俾成千萬佢買樓，佢買樓當日，仲係臨時臨急，夜晚七點幾打俾律師樓，叫人哋即晚整好份買賣合約，當時律師樓收晒工，但佢好似驚有人縮沙咁，堅持要當晚完成交易。」知情者透露。
（《忽然1周》圖片）
葉翠翠所約之富豪有老有嫩，今年四月德勤會計師樓老闆Eric 險成為她的目標，當時還用法拉利接她到四季酒店晚膳。
成功「變臉」後，葉翠翠再替胸前兩團肉「修葺」，「發肉」成功，即經常著低胸裝示人。（《蘋果日報》圖片）
葉翠翠同李逸朗分手後，經常出席富豪飯局搵路數，分手有理。
有婦之夫
據知，葉翠翠釣到的黃姓老細已婚，四十出頭，在廣州及深圳經營度假村酒店，掘到這個金礦前，葉翠翠仲周圍同人呻買股票蝕入肉，炒
股兼要照顧已退休的父親及患有腎病的母親，每月加埋出騷錢得幾萬蚊，窮到萬多元的屋租都交唔起，父母亦要住在月租三千元的偏遠元朗村屋。
慳泊車錢
上週四（十日），葉翠翠父母由八鄉附近的曉華花園寓所步出，然後揸住有十年車齡的坐駕到黃大仙與友人飲茶，再到尖沙咀行街；雖然女兒有富豪放水，但曾為消防員的葉父為慳停車場錢，竟然將坐駕泊在附近的消防局。
知情者說：「佢（葉翠翠）三月嗰陣同人講，話自己炒股票蝕咗好多錢，喺灣仔租嗰個單位都差嘅無錢交租，唔知點算，所以一搵到個老細就即咬住唔放，要人哋放水俾佢買樓，人哋肯俾首期，佢每月仲要拎十幾萬供樓，佢話就話一間自住，一間租出去，但以佢咁嘅收入，如果冇老細長期放水，真係未必供得起，加上樓價回落緊，都幾大鑊。」
葉翠翠有樓揸手有名牌待用，但父母依然相當慳，約親友到九龍飲茶，都要把車泊入消防局免費車位，用得唔好
。
好「吹」得
自從被揭忽然富貴，葉翠翠連日不停接受傳媒訪問，自圓其說，卻因為愈講愈亂愈無稽，反被取笑講大話無用腦。
扮識炒股第一次被傳媒追問買什麼股票賺錢，她連買邊隻股、代號同窩輪係乜都唔識，之後才背熟對白話買中國人壽（2628），又話自己睇得準，去年五月低位25.8元買入，然後在十月時52元高位賣出，六位數字變七位，但卻被其他藝人狂寸她勁過股神畢菲特。
十萬裝修自稱賺到首期買3,000萬樓的葉翠翠，堅持唔理人點講，話會繼續買跑車及花十萬裝修新居，千萬豪宅只用十萬裝修，睇怕連整廁所的錢都唔夠。
唔認整容多次被傳「變臉」，割雙眼皮、隆鼻及打botox 瘦面，數月前又由平胸32A 谷至34D ，她死撐只係靠胸墊，兩次「大修」脫胎換骨，依然大話連篇。
