今次我已經係第三次食,但都好期待......
7:30pm一行四人準時去到,一排無嚟,份menu大份左,仲加埋價TIM....我發板點左:
美國珍寶蠔-可惜佢地同我講只剩番細隻既,但都照殺....雖然細,但蠔鮮味依然...正
龍蝦沙律-啖啖龍蝦肉,都幾爽同鮮,但未至於好彈牙,芒果汁同成個沙律好夾,生果全部都新鮮唔係罐頭,另外原個伴住既龍蝦頭好多膏架....haha因為老豆好勁咁爆開左個龍蝦頭我地先知道咁正,仲差唔多全部liu晒出嚟食,d膏好鮮味...真係好正
焗龍蝦E面-都係啖啖龍蝦肉,芝士同煙肉碎好夾好香,但唔夠,多d好d,E面味較淡,但岩食bor...好味,因太大碟,留左差唔多1/3比細妹第二日返工帶飯...唔好晒麻
上湯白菜仔-清清淡淡又唔油,好味道
黃金海中蝦-呢個等左好耐,但值得,咸旦黃炒得好均勻,隻隻蝦都占到,而且脆卜卜,連蝦殼都想食埋,有d蝦仲有膏...真係好味...但亦有缺點..都係蝦肉唔夠彈牙,亦未算最鮮...
總括嚟講兩老對今次既飯局都幾滿意,雖然貴左,但呢餐都算抵食架啦,同區食就肯定唔止....埋單$936.0,我同細妹兩份lor
另外佢地既service都幾細心架...又會幫你換碟,又會比筷子,紙巾同濕紙巾ar咁....
嘉菲蟹$188隻
芝士生蠔$58(4隻)
聖子皇$28
龍蝦兩食(沙律及伊麵)$880
黃金中蝦$78份(6-7隻)
鮑魚仔$60(4隻)
全場不設加一服務費及無開瓶費
尖沙咀加連威老道100號港晶中心41號地下
