陳伶俐連勾兩佬　林敏驄屋企捉姦

結婚十年，已有兩子的林敏驄、陳伶俐夫婦，一直喜歡在人前晒恩愛、家庭幸福，但近一年，兩人已甚少再在公眾場合一齊出現。
林敏驄近年在北京成立製作公司，經常離開香港，而三十一歲正值狼虎之年的陳伶俐，耐不住寂寞，竟然「起雙飛」，同時間搭上兩個男人，更經常肆無忌憚在深宵時分帶男伴返屋企短聚，據知，兩頂綠帽笠上頭的林敏驄曾經突擊捉姦，撞個正 ……

雀友變炮友
自從林敏驄北上發展後，他的老婆陳伶俐便進入「無王管」狀態，貪玩牌癮大的陳伶俐經常打通宵麻雀；一年前，她經常到位於大坑浣紗街「火車頭越南餐廳」閣樓私竇打牌，因而認識了老闆李成文，無老公在身邊的陳伶俐火速搭上對方。
雖然陳伶俐與兩名兒子居住，但她依然明目張膽，趁老公離開香港期間，經常帶李成文「埋站」，登堂入室，返自己屋企短聚。據知，林敏驄亦懷疑老婆有古怪，曾經突擊返港捉姦，結果當場斷正。林敏驄一怒之下，搬離北角威景臺，獨自遷往天后美城花園自住，並要求同陳伶俐離婚。
不過，陳伶俐以為了兩個仔為由，加上近年近乎零工作，只靠賢妻良母形象偶然獲邀出席商業活動，一旦離婚就渣都無，於是多番懇求林敏驄不要離婚。林敏驄為了一對仔可以有完整家庭打消原意，但就堅持分開住，只間中返威景臺探望兩子，但必定唔過夜。

分開住
同老公分居，陳伶俐更加明目張膽，與「火車頭」出雙入對，更向身邊好朋友及兩個仔確認對方的男友身份。今年一月四日陳伶俐生日，「火車頭」便在自己的餐廳為她舉行派對，出席的好友更包括藝人陳彥行，同一晚，林敏驄則與兩名友人在跑馬地消夜，無同老婆過生日。
雖然已經有個「火車頭」，但依然未滿足到陳伶俐。去年尾，又因為打麻雀而認識另一位任職股票行的Peter 蔣，年約四十多歲，是有婦之夫，特徵是禿頭地中海；雖然明知對方有老婆，但陳伶俐一於少理，經常要Peter 教她打台灣牌，又成日問他股票貼士，令她賺到唔少外快。

拆散人家庭
由於事件越來越張揚，事情好快就傳到Peter 老婆耳中，更導致蔣氏兩公婆要分居收場，一手拆散別人家庭。
上星期五（三月廿一日），Peter 搬離禮頓山，獨自租住跑馬地ellipsis 服務式住宅，搬屋第一晚，陳伶俐已急不及待到新居賀一賀，當晚她先同林敏驄以及一名男性友人食飯，之後才再到Peter 新居，到後，陳伶俐刻意過門不入在樓下行了一段路，再上的士並叫司機不要落錶，駛到去大廈門口，停一陣見無人先一支箭標入大廈，由於新竇得他倆，唔使就住，當晚陳伶俐凌晨四點才離開，足足happy 了五小時。
Peter 寧願放棄家庭拋妻棄子，都要同陳伶俐一齊，據知他曾向朋友透露陳伶俐床上功夫了得，「Brianna （陳伶俐）成日問佢（Peter ）之前一晚做成點，值幾多分，鍾意邊款花式咁，搞到Peter 好high 。」

林 敏 驄 否 認 婚 變 陳 伶 俐 與 結 婚 十 載 的 丈 夫 林 敏 驄 近 日 被 傳 婚 變 ， 有 指 陳 伶 俐 分 別 與 男 麻 雀 腳 Peter 及 火 車 頭 越 南 餐 廳 老 闆 李 成 文 過 從 甚 密 ， 令 林 敏 驄 提 出 離 婚 。 對 此 陳 伶 俐 與 林 敏 驄 昨 日 接 受 本 報 記 者 電 話 訪 問 ， 問 陳 伶 俐 是 否 正 辦 離 婚 ？ 她 說 ： 「 啋 過 你 呀 ！ 我 冇 離 婚 冇 分 居 ， 我 家 幫 老 公 手 接 工 作 ， 我 最 激 氣 揀 相 都 唔 靚 ， 我 麻 雀 腳 有 成 十 幾 人 ， 不 過 家 會 小 心 揀 人 打 。 」
林 敏 驄 昨 日 在 電 話 中 說 ： 「 唔 係 真 ， 件 事 都 冇 影 響 我 兩 公 婆 感 情 ， 佢 係 伶 俐 麻 雀 腳 ， 我 都 識 。 」 林 敏 驄 可 會 勸 陳 伶 俐 日 後 減 少 打 牌 ？ 他 說 ： 「 都 好 提 議 。 」
此 外 ， 被 指 破 壞 林 敏 驄 家 庭 幸 福 的 麻 雀 腳 Peter ， 他 以 書 面 聲 明 傳 真 給 報 館 ， 表 示 因 他 的 家 事 令 到 報 章 雜 誌 刊 登 與 事 實 不 符 的 事 ， 引 致 陳 伶 俐 及 其 家 人 受 到 不 必 要 困 擾 ， 他 願 意 負 上 有 關 一 切 責 任 。

green hat donation to Lam

時間會証明一切....呢D野男人邊忍到, 如果係真ge, d狗仔點會放過佢地