林敏驄玩殘o靚模「栢芝」

林敏驄講嘢口不擇言，眾所周知，東姑發現有「翻版栢芝」之稱嘅o靚模陶枳樽（Crz），竟然夠膽死，同佢玩直播。至於，向來唔會畀面任何人嘅阿驄，梗係唔會放過佢啦！

日前，陶枳樽就帶咗喺日本買返嚟嘅芫茜薯片，以及一堆真嘅芫茜，想話整蠱吓阿驄，叫佢直播「食茜」。點知轉數極速嘅阿驄，即刻話啲茜擺咗咁耐，變咗「臭茜」，之後佢仲用手大力撳陶枳樽個頭落枱底，叫觀眾自己諗下佢喺枱底發生啲乜嘢事？阿驄玩得愈踩界，網友睇得愈興奮，有人仲留言叫佢哋「打車輪」，又有人叫陶枳樽除衫，搞到好似真人騷咁。雖然直播畀人「虐待」，但係能夠同鬼才驄「逛」吓，陶枳樽同東姑講覺得真係好過癮！唔通佢覺得仲未夠喉？

直播前，林敏驄同陶枳樽先禮後兵，影番張cutie相。

直播後，陶枳樽同東姑講佢被玩得好high，證明阿驄

直播時，陶枳樽揸住棵真嘅芫茜叫阿驄食，阿驄即刻推開佢。

陶枳樽畀阿驄用手將個頭撳落枱底，完全冇還擊之力，但就不停傻笑。

㩒完陶枳樽個頭，阿驄再扯佢件衫，搞到佢非常狼狽。

林敏驄昨晚出席電影宣傳時遲到，為轉移話題竟笑缺席的欣宜是肥婆。

張繼聰、林敏驄、林盛斌（Bob）、雨僑及連詩雅昨晚在尖沙嘴天星碼頭為電影《西謊極落：太爆．太子．太空艙》宣傳，林敏驄姍姍來遲，一班演員已在台上作自我介紹，Bob即刻指摘他說：「林敏驄搞錯呀！遲到！」林敏驄上台後即爆肚，笑缺席的欣宜是肥婆，他說：「個肥婆呢？個肥婆冇嚟嘅！」

雨僑（右）透露近日參加婚前輔導，為結婚做準備。

張繼聰最近將兒子送到上海的車路士學校進行習訓，他說：「我阿爸有跟佢上去，當爺爺放暑假，佢初初都好唔慣，之後見到佢自己洗衫，都老懷安慰，個仔第一次同屋企分開咁耐時間，如果佢鍾意踢波，會支持佢做職業足球員。」

採訪：張俊銘
攝影：陳順禎
from:http://hk.apple.nextmedia ... 170809/20115651