兩年前洪天明大方公開模特兒女友Lillian 身份，兩個經常手拖手四圍去，甚至連老豆洪金寶都見過準新抱，大讚對方人品唔錯。感情穩定，洪天明還定下兩年內結婚生仔大計，以為「溝女王」定性收山，點知事隔半年，本性又再現形。
上週三晚（一月十六日），陳敏之在銅鑼灣搞廿九歲生日化妝舞會，洪天明丟低女友，同「蒲精港姐」、○六年亞軍得主周家蔚孖住現身。為怕偷食真相曝光，他居然教女方用衫笠頭
衫尾鬼祟走人，狼狽舉動，似足警方「掃黃」行動。
一腳踏兩船
洪天明自從同「千億新抱」徐子淇分手後，感情生活以食散餐為主，直到○六年才公開與Lillian 戀情，兩口子還打算兩年內結婚生仔。今年一月一日，洪天明為未來老婆舉行大型生日派對，在他有份投資的酒吧Basement 內廣邀親朋。
以為「溝女王」一鳥在手，便放棄森林修心養性，想不到，近日他竟與○六年港姐亞軍周家蔚暗地撻住，一腳踏兩船享齊人之福。
上週三晚（十六日），洪天明與周家蔚先後現身銅鑼灣出席陳敏之的生日化妝派對。當晚冇女友在身邊的洪天明，十足甩繩馬騮整晚與周家蔚狂飲狂劈咬耳仔。兩杯到肚，周家蔚「姣精」上身，向洪天明大送秋波。
玩到天光六點，開心咗成晚的洪天明，在後門步出時見到記者，居然花足半小時口水，苦苦哀求記者收工唔好影，然後截定的士，走去正門等人。
女友嚎哭
正門後門都有記者，眼見無路可逃，洪天明於是自度屎橋，先找來女友人做掩護，繼而叫周家蔚用衫笠頭，然後
住自己衫尾跳上的士離開。
以為見腳唔見樣便神不知鬼不覺，可惜周家蔚腳上所著的長靴，同早前她出席「TVB高清數碼廣播全面睇」揭幕禮時已曾亮相，加上場內耳目眾多，偷食事實不攻自破。
「嗰晚天明同周家蔚玩得好埋，啲人行埋去傾偈，佢哋都唔理！周家蔚知道天明有女友，所以怕俾人影到話佢係第三者，加上又驚自己飲到面紅紅會俾公司鬧，所以天明教佢用衫笠頭，佢諗都冇諗就照做！」知情者說。
風流快活何止斷到正，更有人向Lillian 即晚通風報訊，搞到未來洪太在夜場Basement 內喊到收唔到聲。
黃宗澤同胡杏兒這對緋聞情侶一齊出席化妝派對，杏兒更笑言自己被坤，先會以動物造型現身。
陳敏之生日收到三大袋禮物，其中一袋是好姐妹李彩華（右圖）所送。
張家界撻住
其實二人暗地來往早有前科，較早前，洪天明與周家蔚合作主持旅遊節目《美景湘輝》到張家界拍特輯，二人更同到當地的廟宇求姻緣，當時洪天明居然將自己和周家蔚的名字寫埋一齊示愛，在場工作人員對他「肉麻」溝女行徑為之側目。不到三個月後，周家蔚居然「玩認真」，飛甩自己男朋友，決定黐實洪天明。
對於一腳踏兩船，洪天明死口唔認，只承認跟Lillian 感情生變，他說：「同佢有問題啦，好複雜，私人嘢就唔想講，結婚係一直有諗，但都要啱先得，不過我唔係同周家蔚一齊！嗰晚同佢一齊走？我唔記得啦，我連自己玩到幾點都唔記得！」
借失憶推得一乾二淨，洪金寶，想飲新抱茶，睇怕等到頸都長。
花弗事件簿
洪天明花弗形象多年來不變，爛玩爛蒲性格，換女伴更如換車，成日唔同款。
徐子淇
與徐子淇於○○年拍攝電視劇《新鮮人》撻住，多次被拍到親嘴拍拖照。雖然有個靚女友，但男方依然花弗，加上徐母阻撓，○二年徐子淇到英國讀書後便分手。
Tina
○四年九月李家誠拖徐子淇在上海賽車場晒幸福，洪天明則在「官邸」酒吧買醉，溝掂夜之女Tina ，打「茄輪」錫足一分鐘，然後一齊返阿爸洪金寶上海的寓所過夜。
Miki
與女友Miki ，於○六年在交友網站公布「已婚」大晒恩愛，當時洪天明更向傳媒稱女友為「老婆」。
Lillian
與Miki 拍拖唔夠半年又分手，火速溝掂女模Lillian ，十指緊扣現身《新鐵金剛智破皇家賭場》首映禮，且發表兩年內結婚期票。
16/1
洪天明教周家蔚蒙頭離開酒吧，點知因女方腳上的舊鞋（左圖）而暴露身份。
半年前，洪天明聲言會同Lillian 結婚，點知轉個頭又話感情有變，仲一腳踏兩船。
洪天明背女友暗溝周家蔚，女方更飛甩男友投入天明懷抱。
22/12
