FBI File :黃聖依大把手
上星期四（25日）DKNY 時裝騷，捧場女星有薛凱琪、胡杏兒同黃聖依等。有報道話薛凱琪特登夾埋胡杏兒冷落黃聖依喎，唔出奇啊，一來廣東話你都未學識，二來你咁鬼大陣仗，有個有錢緋聞男友兼經理人楊子跟身，仲有助手一個加老外英文老師一個，咁迫，仲同你傾偈咩？
不過，冇人睬嘅黃小姐又冇咩所謂喎，FBI 見到佢件富貴緋聞男友跟出跟入全程釘住佢，視線一刻都冇離開過，入咗幾球藍籌股仲使理啲二三線股仔咩？唔驚你哋分薄我啲股份呀？
大陣仗
有助手有老外英文老師（左），又有富貴男友經理人，雖然成身DKNY 加埋唔使$7,000，不過淨係個氣勢都贏晒啦。
楊子
𥄫到行
無論黃聖依做緊乜，楊子對眼都射住佢，其實唔使咁緊張啊，米飯班主，你做莊㗎，女友講錯嘢咪返屋企先再教囉。
隔條河
胡杏兒本身同薛凱琪應該唔多熟，雖然大家都係著DKNY 貨仔，不過黃聖依氣勢咁凌厲，分得清楚啲好。《蘋果日報》圖片
FACE周刊第23期
