譚小環與老公蔡強榮（Eric）結婚十年，兩人極度恩愛，賣「魚蛋」事業更是經營有道，旺角、鰂魚涌、銅鑼灣及尖東，譚小環共手持四間小食店，Eric本來準備開足六間，讓譚小環打造「魚蛋王國」！可惜去年九月中，Eric因發高燒入院，順便做身體檢查，十月證實患上一期肺癌。
為全力勇戰肺癌，原定大計全面暫停，兩公婆決定慢活人生，小環說：「就算佢畀晒過億家財我又點？錢財身外物，親人健康就得，開心最重要，反而我愛佢多咗。」
日前傍晚，小環兩公婆就去銅鑼灣超市買餸打邊爐，開完刀不久的Eric，期間不時摸住右肺傷口位置，行路步速頗慢，小環則一直陪伴在旁。
譚小環和老公蔡強榮行超市買餸打邊爐，大病初癒的Eric有愛妻陪伴，但似乎傷口仍未完全復元，行路緩慢而且表情不時表現一點痛苦。
難得老公可以渡過一關，譚小環行超市都可以開心笑到似行名店貨。
肺癌一期Eric意外發現生Cancer，兩公婆經歷人生低谷，Eric氣若游絲憶述說：「去年九月正值落手落腳將生意擴充大做，操勞到發高燒，出院後又病住做，直至有次陪老婆做體檢，發覺自己體重唔覺唔覺暴跌了廿磅，醫生朋友建議我做檢查，點知一照就見到肺部有八厘米陰影，後來再進一步接受正電子掃描，數據仲嚇人，恐怖到話係有機會患肺癌三期。好彩最後發現到源頭，是右下肺葉癌細胞兩厘米，好彩只係1A期，完全無擴散。」
最後做微創切除右邊上下肺葉的一半，開了四刀，最大的傷口約四吋，手術成功亦無需化療，現在復元進展理想，傷口已經不太痛，但就很只怕去人多地方，會給撞到傷口。Eric更戒了煙，每天早睡早起，所以精神好好。
買下大包東西，小環毫不介意親手拿一大袋，但見Eric左手一直按胸，相信是傷口仍痛。
兩人行超市甜蜜溫馨，買餸都可以買到相視而笑。
