譚小環老公蔡強榮夜場咀嫩女

娛圈過去一週連環爆出人夫人妻出軌，昨日輪到現年43歲、94年港姐冠軍譚小環的圈外老公蔡強榮（Eric）流出夜場咀嫩女照，有指照片拍於4年前，即兩人婚後5年，小環昨直認為了此事耿耿於懷，直言：「斷片玩到咁癲就唔啱。」雖然她接受老公道歉，但夫妻間要冷靜一下，小環自爆數年前都嫌Eric應酬太多，甚至爆醉斷片返家，Eric表示就事件影響小環非常內疚。

前港姐冠軍譚小環07年嫁給保險才俊蔡強榮，男方婚後即絕緣，近年小環獲老公支持經營副業，先後在銅鑼灣和尖沙嘴開店賣魚蛋，兩公婆不時恩愛孖咇巡舖。人夫Eric去年被週刊拍到背妻在圓方約中女嘆茶，事隔一年，昨日Eric又被爆夜場強吻嫩女連環圖，有指照片攝於4年前，小環和老公至今結婚9年，時間上暗示Eric疑婚後偷食。

有指Eric夜場咀女時，他突然發現有人閃燈影相，Eric瞪眼手指指，不滿被影下罪證。就Eric偷食一事，小環昨日在電話中說：「我首先同自己講要冷靜處理，每個人見到呢啲相都會受影響，會唔開心，好正常，我都聽咗老公解釋同道歉，我都原諒咗佢，因為兩夫妻關係好重要。」她直言好珍惜這段婚姻。

去年《壹週刊》拍到Eric背妻與中女圓方嘆茶，小環事後護夫力撐沒小三。

近年小環把重點放在賣魚蛋生意，但老公卻被連環爆背妻偷食。資料圖片
老公斷片失控

小環強調心情未平復，她續說：「我需要時間冷靜，我要有自己空間。」冷靜還是冷戰？小環解釋：「冇冷戰，大家冷靜箒，要畀個腦休息嚇。」問小環有沒有深究照片是拍於婚前還是婚後？她說：「冇斟酌，時間唔係最重要，老公唔恰當行為受到警誡，日後飲酒或者應酬，佢都要有底線，睇番自己能力。」她相信Eric爆醉斷片才失控，她力斥：「斷片玩到咁癲就唔啱。」

問到小環覺得Eric酒量如何？她說：「佢酒量真係好差，如果噚晚飲酒斷片，今日醒番真係會唔記得曬啲嘢。早年佢成日應酬，試過爛醉返嚟，我有話佢，佢心臟唔好，我哋傾過。過去兩、三年，佢真係少咗出去。不過有時應酬在所難免，我都明白。」Eric的藍色A&F Polo恤偷食戰衣，竟被發現與去年陪小環慶生時的上衣一模一樣，小環指Eric衣櫃有不少差不多款式的A&F衣服：「呢點唔重要，佢明白飲醉斷片唔啱就得。」

Eric上月底打本小環在尖東再開分店賣魚蛋，並獲圈中好友到賀。

小環於07年與Eric結婚，明年兩人便結婚十週年。

Eric：我好內疚

小環承認已「審問」Eric，她答：「內容保密，私人嘢唔使向外交代。我有叫佢公開場合要行為檢點，唔可以行差踏錯。」小環笑言要拜託狗仔隊代為監察Eric，兩公婆昨足不出戶，小環說：「佢要閉門思過。」小環不想這「污點」影響夫妻感情。

她大方為老公拆彈，Eric也淆底知衰，昨日他在電話中說：「我有同老婆道歉，呢幾年我真係冇乜應酬，近乎零，識我啲朋友都知我唔飲，我花名係『閃電俠』，一叫我飲就閃。」Eric指對夜場咀女照沒印象，他肯定斷片情況下發生，為冧小環，Eric昨公開認錯：「小環向來形象好正面，影響到佢唔好，我好內疚。」

採訪：陳傑
from:http://hk.apple.nextmedia.com/entertainment/art/20160626/19670181

邵仲衡表示心照支持老友小環。資料圖片
譚小環的保險才俊老公蔡強榮（Eric）被爆夜場咀女照片，他馬上向老婆解釋兼認錯，小環昨日表示接受Eric的道歉，不過就直言「玩到咁癲就唔啱！」夫妻間進入「冷靜」狀態，兩人的好友都護友心切。曾被本報拍過與小環撐枱腳的「大佬孝」邵仲衡，他昨日接受電話訪問時，力撐小環說：「小環係我老友，我有睇到報道，我相信遲啲見到小環，我拍吓佢膊頭，一切盡在不言中，人哋家事，大家盡量唔好畀意見。」

採訪：楊定
from:http://hk.apple.nextmedia ... 160626/19670193

Eric為𠱁老婆小環，計劃將3,000萬豪宅轉到小環名下。資料圖片
譚小環的保險高層老公蔡強榮（Eric）近日被爆早年在夜場咀嫩女，雖然照片是陳年舊史，Eric也知衰認錯，並解畫是醉酒失態，但此事足以令小環嬲爆，小環更謂要時間冷靜。兩夫妻被周刊拍到分頭出入，小環與朋友打波，老公就找小環好友求助。

昨有報道指Eric為表「誠意」，計劃將其價值3,000萬的半山壹號物業轉到小環名下。小環昨在電話中被問到是否收到Eric賠罪豪宅？她說：「件事唔回應啦，唔該晒，多謝關心。」

採訪：楊定
from:http://hk.apple.nextmedia ... 160708/19685777

小環（右二）早前與父母及老公Eric到台灣旅行。

譚小環的保險才俊老公蔡強榮（Eric）早前流出夜場咀女舊照，激嬲小環，但一切雨過天晴，兩公婆和好如初。Eric日前與小環及她的雙親遊台灣，有指Eric乘機箍煲，其實這次行程年初便計劃好，一行四人稍後又會到曼谷吃喝玩樂。

不過有周刊昨日爆料指小環在行程中全程面燶燶，疑似未嬲完老公，小環昨在電話中說：「台灣好熱，我熱到笑唔出。我哋冇事，多謝關心，唔知係咪周刊揀相嗰個人覺得我唔笑cool啲型啲，所以專登幫我揀呢啲相。」Eric全程做阿四招呼老婆及外父外母，他也說：「我不嬲都好錫屋企人，服侍周到。」

採訪：楊定
from:http://hk.apple.nextmedia ... 160818/19740277

譚小環今年下半年連拍三個廣告。

94年港姐冠軍譚小環半退出娛樂圈，轉行賣魚蛋。不過小環仍好受廣告商歡迎，今年下半年接了3個，日前在科學園拍財務公司廣告，故事指她所到之處，都引人注目。

問是否豬籠入水？小環笑說：「咁又未，距離我要賺嘅錢仲差好遠，仍需努力。」小環表示自幼爸爸教要積穀防饑，與老公亦是財政獨立，她說：「做女人要儲番啲私己錢，我管得佢唔嚴，但必需每個月畀家用我，當然最好入晒我袋啦。」對於今屆港姐馮盈盈被爆講粗口，小環笑說：「我𠵱家心裏面都想講呀！最緊要唔好喺小朋友面前講，同朋友就無傷大雅。」

採訪：嵐山
攝影：陳慧安
from:http://hk.apple.nextmedia ... 161010/19795953