郭政鴻同滕麗名拖拉一年先分手

1^# 大中小 young 發表於 2016-9-14 03:18 發短消息

「容易受傷的女人」滕麗名，喺13年就同圈外男友朱建昆（Matthew）結婚，正式做咗朱太，但其實滕麗名除咗同「不識時務」嘅魏駿傑有過一段情外，原來佢同前大台藝人郭政鴻都有一段唔開心嘅情路。

講起阿滕嘅情史，一諗只會諗起佢同魏駿傑，但其實郭政鴻都傷得阿滕好深o架。是咁的，阿滕喺07年同拍拖9年嘅魏駿傑分手後，因為拍劇《野蠻奶奶大戰戈師奶》時，好快就搭上剛失婚嘅郭政鴻，雖然佢哋一直都冇認過拍拖，但係佢哋拍拖根本就係圈中公開嘅秘密。

之後佢哋再合作《桌球天王》，當時就俾人笑佢哋係寓工作於談情，除咗劇中4連咀外，阿滕仲公然幫男方搽太陽油，喺傳面前打情罵俏，兼且有週刊影男方去阿滕清水灣嘅新居落簾短聚㖭！

正當大家都以為阿滕遇到真命天子，09年，郭政鴻被拍到與一女子及一名9個月大女嬰同行，三人齊到中旅社替女嬰辦理回鄉證，申請表上女嬰的名字為郭X欣。當時有傳郭政鴻翻撻前妻、並火速生下囡囡，及後雖然證實該名同行女子並非前妻，但阿滕與郭政鴻拖拉近一年，最後亦分手告終。如今郭政鴻已另組家庭，滕麗名亦已成為人妻，展開新生活。
from:http://hk.apple.nextmedia ... 160903/19758823

廷伸閱讀/相關主題推介:

相關主題:滕麗名郭政鴻

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 03:20 發短消息

郭政鴻陪完妻女去掘金

郭政鴻未能湊女兒上學，惟有爭取時間陪伴補償。

【狗仔隊爆料】郭政鴻離開無綫後，發展更順利，除了拍網劇，還有登台、商演密密做，加上經營的小菜館生意不俗，收入比以前豐厚得多。不過，婚後的郭政鴻亦很重視家庭，有時間即陪伴老婆及囡囡，日前本報便影到他們一家四口加工人去中環逛街。

已返內地開工拍網劇《無間道》的鴻仔，接受本報訪問時說：「開劇好難陪到屋企人，湊唔到個女返學，惟有自己辛苦啲，爭取時間返嚟陪佢哋。」他又透露此劇除了在香港及深圳拍攝，還會到泰國取景。有傳內地藝人身價太高，令港星更吃香，鴻仔說：「我冇考究同證實過，但做人有唔同階段，有機會都要試吓新嘢，冇理由喺一個平台做一世。」

採訪、攝影：羅德光

廿四孝爸爸郭政鴻錫女兒錫到燶。
from:http://hk.apple.nextmedia ... 160903/19758182

TOP

3^# 大中小 young 發表於 2016-9-14 22:13 發短消息

滕麗名宣揚保護海洋

運動精滕麗名被「2016 ADEX北京國際潛水展」邀請做北京國際潛水展大使，佢前日同噚日喺北京出席講座活動，滕滕呢次義務上陣，主要係宣揚環保訊息，佢話係第一次演講，出席嘅大部份係潛水發燒友，滕滕噚日喺電話講：「我演講時心情輕鬆呀，冇緊張，在場都係潛水發燒友，佢哋好清楚以前同𠵱家嘅海底世界有好大分別，魚群少咗，所以好希望保護海洋，大家都愛大自然。」

撰文：馮仁昭
from:http://hk.apple.nextmedia ... 160905/19760045

TOP

4^# 大中小 young 發表於 2017-6-18 19:23 發短消息

郭政鴻特訓兩女建立自信

郭政鴻希望兩姊妹可以讀同一間學校，方便照應。

攝影：陳慧安
【父親節嚟喇】小朋友讀書，最忙是大人，郭政鴻細女詠之今年升小學，郭政鴻跟太太早為囡囡備戰小一，興趣班加補習班雙管齊下。至於8歲大女倩欣，網球、游水、畫畫、跳舞、低音大提琴、樂理和鋼琴都有學。興趣班等如燒錢，難怪郭政鴻要搏命搵錢，他說：「一個就OK，兩個就唔得喇。」

望兩姊妹同校

郭政鴻解釋要小朋友參加不同興趣班，是想發掘她們的天份，他說：「如果真係冇興趣，咪唔好學囉！譬如佢對跳舞、畫畫有興趣，咁咪畀佢多啲時間，去栽培吓。」他自言本身不是怪獸家長，但在大氣候下被迫「同流合污」，兩夫婦亦為此發生過爭執：「嘈完發現個現實就係咁，其實小朋友都真係要讀書時讀書，遊戲時遊戲，太過寬鬆，去到某年級追唔上，成績唔好，會影響自信。」

在家中飾演好人的郭政鴻有一個希望，想兩姊妹入讀同一間私校，目前細女仍在候補名單中，郭政鴻說：「因為每間學校都有自己教育模式，如果兩姊妹讀同一間，一嚟方便照顧，二嚟佢哋又可以互相照應，至於分數盡了力就可以。」

採訪：王梓嫚、唐如
場地提供：BALL ROOM、Ciak All Day Italian（太古城中心）

郭政鴻希望囡囡可以學曉專心。

在家中郭政鴻演好人角色，所以兩個女都很親近他。
from:http://hk.apple.nextmedia ... 170616/20057204

TOP