滕麗名日前於荒山野嶺拍古裝劇，當日劇情講阿滕要孭著比她重30磅的梁烈維冒雨上山，事前阿滕豪言叫劇中老公維維放心，就算僕都只會向前僕，難怪維維拍完這場戲都讚阿滕夠堅，又說愛上她。
滕麗名之前拍過孭麥長青的戲，所以累積了一些經驗。
滕麗名、梁烈維、蕭正楠及薛家燕日前為無線搞笑賀歲劇《倩女失魂》拍外景，當日劇情講維維於荒山野嶺暈倒，要劇中老婆阿滕淋住雨孭他上山，本來工作人員預備了假人給阿滕孭上身，不過出來效果不夠神似，結果115磅的阿滕只好硬著頭皮孭147磅的維維上山。
阿滕孭維維行的一段梯級很跣，維維說阿滕事前給他很大信心：「阿滕話唔使驚，要信佢，要僕佢會向前僕，唔會向後跌，所以我好放膽，成個人放鬆曬，拍完我直頭鍾意咗佢。」維維又指這場戲阿滕要邊喊邊孭著他，他指聽到對白，句句也令他動容。
梁烈維信得過阿滕，在阿滕背上完全放鬆。
薛家燕昨與麥長青拍《倩》劇廠景。
蕭正楠（左起）、滕麗名及薛家燕日前到野外拍攝。
家燕唔咀蕭正楠
拍畢孭維維的戲，阿滕謂：「維維都好驚，我只可以保證我會向前僕，如果向後僕，佢尾龍骨一定傷，我孭佢嗰陣做足準備，拍咗咁多年戲，喺啲武指身上都學到唔少嘢，之前拍《新抱喜相逢》都孭過麥長青。」維維則讚阿滕厲害、夠堅，阿滕就沒好氣笑言：「我都唔想堅，但嗰陣就快天黑，我唔想拍唔曬，當還債啦！」
另外，薛家燕昨與麥長青拍《倩》劇廠景，家燕指公司很錫她，讓她有足夠時間休息，但因常於荒山野嶺拍攝，都會被蚊叮，說到之前曾表示會自薦與蕭正楠拍咀戲，家燕姐笑謂：「冇人接納，連我自己都唔接納。」
文：影視組
From:
http://orientaldaily.on.c ... /00282_018.html
