蔡一傑想同鄭欣宜跳芭蕾

1^# 大中小 young 發表於 2016-8-23 22:46 發短消息

相關主題: 蔡一傑

草蜢11月舉行嘅拉闊音樂會主題提到夢想，噚日佢哋喺商台出席記招時講兒時夢想，蔡一智想開魚蛋檔賣魚蛋，蔡一傑想做芭蕾舞舞蹈員，而蘇志威就想做醫生。佢哋已10年沒做拉闊，會揀從未公開演唱嘅歌曲，問到傑仔跳唔跳芭蕾舞？佢話：「冇呀！你哋想睇嗰條褲中間好大嚿嗰嚿嘢呀？有得攝pad㗎！」傑仔話搵鄭欣宜跳，阿智笑話佢想重演沈殿霞同盧大偉經典芭蕾舞片段。

撰文：馮仁昭
from:http://hk.apple.nextmedia ... 160811/19731146

廷伸閱讀/相關主題推介:

相關主題:蔡一傑

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-23 23:10 發短消息

欣宜做伴娘想結婚

欣宜返加拿大休息，行山時卻意外跌倒，弄損手腳。

鄭欣宜昨日到九展出席《運動博覽Sports Expo2016啟動禮》，她透露早前返加拿大休假，專誠為好姊妹做伴娘，她說：「成長時期媽咪喺香港，我喺加拿大日日同呢位朋友一齊，今次好似我妹妹出嫁，流咗好多開心眼淚。」欣宜稱已三度做伴娘，卻百無禁忌，更希望結識到好對象，早日出嫁，她說：「要夾，互相懂得欣賞對方，呢個比起收入、家底更重要。」

欣宜此行除參加喜事，閒時和朋友行山及踩單車，但她行山時發生小意外，落山連續仆倒兩次，手上的瘀痕至今仍未消退。

採訪、攝影：卓寶花
from:http://hk.apple.nextmedia ... 160812/19732448

TOP

3^# 大中小 young 發表於 2016-8-23 23:11 發短消息

蔡一鳳生日收家傳之寶

盛品儒（James）老婆蔡一鳳前日牛一，壽星女承諾今年會努力造人，明年同盛家添丁，所以奶奶錫到佢燶，送咗家傳之寶畀蔡一鳳，老公James前晚約晒利嘉兒、莊家豐同趙式浩等老友同佢食飯慶生，James送花獻吻冧爆老婆，蔡一鳳話：「好開心呀，奶奶送咗James爺爺第一次見嫲嫲時送嘅訂情古董金鏈畀我，呢條金鏈一代傳一代，已經有成百年歷史。」James仲好識做咁立即同老婆戴上。

撰文：馮仁昭
from:http://hk.apple.nextmedia ... 160812/19732559

TOP

4^# 大中小 young 發表於 2017-7-19 19:49 發短消息

蔡一傑咀小儀回禮

草蜢噚日喺尖沙嘴宣傳今年11月5至8號喺紅館舉行嘅演唱會，忠粉阮小儀為蔡一傑（左二）站台支持，二人仲咀嘴，大會送香檳畀有腰傷嘅蔡一智，幫助佢行氣活血。草蜢呼籲歌迷準時入場：「我哋會唱好多經典歌，如果遲咗騷，encore位會少咗，所以大家都做個專業準時歌迷。」蔡一智仲話今次唔會減少升降台：「會再多啲，我哋好穩陣。」

撰文：馮仁昭
from:http://hk.apple.nextmedia ... 170719/20093986

TOP

5^# 大中小 young 發表於 2017-7-30 18:47 發短消息

蔡一傑寸樣踢走緊張

蔡一傑指唱歌時望到觀眾眼珠會緊張，所以不會周圍望。

蔡一傑和劉浩龍昨日到尖沙嘴出席商場騷，蔡一傑直言很久未試過在商場獻唱：「反而上紅館都冇咁緊張，自己好奇怪，如果同觀眾好近距離，望到對方眼珠我個腦會一片空白，所以𠵱家有啲緊張。」更笑言：「我一陣邊度都唔望，大家唔好話我寸。」

劉浩龍透露小型演唱會要延遲至明年4月。

劉浩龍則表示今年一口氣拍了三套電影，原定想今年派新歌和開小型演唱會亦要延遲，他說：「首歌暫時錄得半首，但MV已經拍好，希望下月可以推出，小型音樂會𠵱家要延遲到出年4月，已經定咗喺麥花臣，自己都好期待同歌迷見面。」問到他下月生日將如何跟女友容祖兒慶祝？他說：「得㗎喇，我會安排。」

採訪、攝影﹕盧妹
from:http://hk.apple.nextmedia ... 170730/20105691

TOP

6^# 大中小 young 發表於 2017-8-17 22:05 發短消息

蔡一傑三吻賀安仔

許志安（左）與蔡一傑昨日到商台宣傳合唱歌《男藍》，二人相識超過三十年，但從來沒有合唱歌，傑仔指今次把握出個人專輯機會，誠邀安仔合唱，並獻出第一次與男人唱合唱歌，又親自在家下廚整泰國菜給安仔吃。提到周六是太太鄭秀文生日，安仔透露會抽時間食飯慶祝，此時傑仔突然送上生日蛋糕及禮物，兼且連續吻賀安仔臉三次。

採訪、攝影：馬建華
from:http://hk.apple.nextmedia ... 170816/20122483

TOP