潘源良前晚講話逗得徐小鳳掩嘴大笑。
潘源良在紅館舉行的「最愛潘源良是誰作品展」前晚尾場，獲女友李麗珍繼續捧場，珍妹在大前晚獲男友公開示愛後，前晚她高調地向站在台上的潘Sir送飛吻。鍾楚紅前晚特地去捧場。
除了李麗珍，鍾楚紅都有捧場。
潘Sir請得徐小鳳、譚詠麟、郭子健及張敬軒等人做嘉賓，其中軒仔在台上笑說：「作詞人有好多藉口遲交歌，冇靈感、身體不適啦！𠵱家多咗一個，就係『等埋發叔』喇！」黃耀明則說：「我哋唱呢首《你還愛我嗎？》，每個人都可以對號入座，𠵱家可以套論慈父同慈母嘅關係。」事後明哥受訪再提到普選議案遭否決，他笑說：「𠵱家做咗套鬧劇出嚟，大家可以開心一排，之後繼續生活落去。」
小鳳姐恨嫁
此外，穿上大花長裙的小鳳姐獻唱《婚紗背後》，66歲的她還罕有地談感情事：「呢首歌每次開騷一定要唱，其實我好矛盾，對婚姻抱住又愛又恨嘅感覺，恨到不得了，但又怕俾人呃。」此時台下有位男觀眾大叫：「我愛你。」
完騷後，潘Sir與珍妹在後台影合照，又開香檳慶祝，大晒恩愛。潘Sir被問到為何不在現場求婚？他說：「呢啲嘢唔會發生，唔會有呢個項目，現在進行式最好，已經當咗佢係我嘅家人。」
採訪：王連連
攝影：仇志德
張敬軒笑言以後多一個理由遲交貨。
導演郭子健前晚捧着結他可自彈自唱。
from:
http://hk.apple.nextmedia ... 150622/19193030
