試過醉駕車毀人冇事，蔡一傑事後認錯，飲完酒唔應該揸車，最後輕判一百六十小時社會服務令，罰款加停牌兩年。
知法犯法，蔡一傑唔只醉駕。上個禮拜五（二十五日）晚，佢約咗髮型師Jacky Ma仲有幾個朋友，一齊去大坑打邊爐開餐。食飽飽，蔡一傑飯氣攻心煙癮發作，於是坐過隔籬枱扯煙。
雖然專登坐開，唔使班friend食佢二手煙，但室內吸煙始終係違法。其實間鋪响正大街，佢哋又坐正門口張枱，只要蔡一傑肯行出兩步，食煙就冇問題，何必呢！
坐正門口位，蔡一傑都唔願行出街食煙，坐過隔籬枱就扯！
同樣係煙民嘅Jacky Ma，選擇行出街邊食，比蔡一傑更有公民意識。仲停緊牌，食飽飯，蔡一傑自己坐的士返歸。
