薛凱琪膝蓋除了敷冰袋之外，排舞前還會貼上彈性運動貼。
薛凱琪最近忙於為新歌排舞，不過因為她早前跳舞傷及左右腳膝蓋兩邊組織，當時未有好好處理，結果今次又被膝患問題纏繞，她說：「其實半年前已經照過磁力共振，發現有積水同膿，軟骨組織亦出現磨蝕，所以唔好講跳舞，我行路行得耐都會膝頭痛。」
薛凱琪還說：「𠵱家嘅情況嚴重咗，醫生要我停工半年做物理治療，仲要我要日日用護膝包住膝頭，但係我𠵱家要開始排舞，喺5月又要拍MV，6月又要埋位拍戲，根本冇可能停工半年。」她續說：「我唔想影響工作，惟有忍痛頂硬上，除咗排舞敷冰袋之外，仲會喺膝頭黐住彈性運動貼，再外加一塊祛濕貼之後再用護膝包住，只要有時間去做物理治療，希望喺年底拍完戲，可以停工做治療。」
撰文：唐琛悠
from:
http://hk.apple.nextmedia ... 160409/19563622
