薛凱琪有備而來回應與馬主鄧浩基暗撻3年的緋聞。
薛凱琪（Fiona）、方力申及郭偉亮等昨日在將軍澳邵氏片廠為ViuTV今晚舉行的《美選D.n.A決賽》舉行拜神儀式，Fiona會為節目做表演嘉賓。對日前被爆出與隱形富二代兼馬主鄧浩基（Byron）暗撻3年，她笑笑口否認秘戀：「唔係拍拖，嗰位係我好朋友，朋友俾人查曬家宅，講我冇所謂，影響到朋友最煩。」
ViuTV《美選D.n.A決賽》今晚舉行，當中「巨胸翠如」鄧月平（左三）被捧為大熱。
「要睇長遠啲」
Fiona被影到與Byron前後腳入場睇戲，不過她否認與對方發展中，更留定後路表示：「日後影到我同呢位男士出街唔使奇，我大部份玩樂朋友都唔係圈中人，佢係我中學時期一班朋友，之前俾人話佢請我同媽咪去芬蘭旅行，全部錢係自己畀。」問到對方條件好，有否機會發展？Fiona笑說：「冇人會知道，交畀主啦，人生大事要慢慢睇，唔係18歲，由細到大好多影響，揀男朋友偏向恐懼症，要睇長遠啲。」而八位參選佳麗昨日收起性感只露腰，大熱F級「巨胸翠如」鄧月平表示冇信心入三甲，但睇好陳意嵐。
採訪：卓寶花
攝影：沈健程
from:
http://hk.apple.nextmedia ... 161218/19868930
