薛凱琪Fiona Rap歌玩互動

1^# 大中小 young 發表於 2016-5-21 21:49 發短消息

相關主題: 薛凱琪

Fiona不肯透露新歌歌名，要歌迷靠估。

薛凱琪（Fiona）昨日到RoadShow宣傳新歌，為求讓歌迷玩估歌名遊戲，她堅決不肯透露歌名。Fiona指新歌圍繞她而寫，自言以往易喊，任何事都愛死撐死頂，如今成為一家之主，她決定要堅強並向身邊人發放正能量，她說：「我都唔想嫁男人之後完全靠佢照顧，有事業女性應該思維再正面一啲。」

Fiona表示在新歌中加入rap部份，問她是rap中文還是英文？她笑說：「中文，想向難度挑戰，近年好少女歌手rap歌，我唔知自己係咪第一位女歌手rap。」錄rap部份花了三日時間，Fiona不時錯發音而鬧出笑話，但也令監製發掘出她唱hip hop聲線。

採訪、攝影：馬建華
from:http://hk.apple.nextmedia ... 160506/19599406

廷伸閱讀/相關主題推介:

相關主題:薛凱琪

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-5-22 21:53 發短消息

Fiona扮性感阿姐

薛凱琪（Fiona）今年出新歌《Miss Fiona》，首歌用咗佢英文名，佢話係希望俾外界感受佢嘅成長：「以前我好軟弱，為好小事就喊，為八卦新聞耿耿於懷，𠵱家個人堅強咗好多，善意批評會反省，玩針對同無理嘅會當睇唔到。」佢早排為新歌拍MV，拍攝主景係一間懷舊酒樓，Fiona着住圍裙水靴、拎水煲扮性感洗碗阿姐。

撰文：馮仁昭

馮仁昭
from:http://hk.apple.nextmedia ... 160518/19616005

TOP

3^# 大中小 young 發表於 2016-5-22 22:11 發短消息

Fiona詭計整蠱方大同

Fiona投資方大同眾籌項目，到時要對方唱廣東歌。

薛凱琪（Fiona）昨日到商台宣傳新歌《Miss Fiona》，她認為歌詞是提醒女仔自強要有自信，工作上不用刻意討好老闆，她說：「女人唔夠叻會俾人話姐手姐腳，太強又會話係男人婆。」而她自覺是一個做事乾脆利落的女子。

另外，好友方大同成立音樂廠牌，近日向公眾集資，Fiona表示會支持，當中最貴項目就是方大同飯宴陪奏，她笑說：「我買最貴嗰樣，然後整蠱要佢唱廣東歌同跳舞。」Fiona會考慮效法方大同集資的方式，但又怕被方大同笑她跟風，她說：「將佢所有價錢加一蚊，好似會威啲。」

採訪、攝影：王連連
from:http://hk.apple.nextmedia ... 160519/19617668

TOP

4^# 大中小 young 發表於 2016-5-27 21:53 發短消息

Fiona關心母校城大傷者

Fiona以往在城大讀書時，很少到塌頂大樓。

資料圖片
城市大學綠化天台於日前發生坍塌恐怖意外，事件造成2男1女受傷，薛凱琪（Fiona）曾於城大主修創意媒體，對於生塌頂意外，Fiona接受電話訪問說：「意外發生冇人想，最緊要冇好大傷亡，自己作為喺城大讀過嘅同學，我都希望所有老師、同學仔安全，祝受傷嘅人早日康復。」

Fiona表示當年自己的學系位於學校大門右邊地庫：「每日返學就喺門口旁邊上堂，好少周圍走，所以今次發生意外嘅大樓比較少去，當年亦都冇建草皮。」此外，Fiona日前接受有線節目訪問，坦言早前在台灣出席祖名生日會時，見過他的嫩模新歡NaNa。

採訪：皓騫
from:http://hk.apple.nextmedia ... 160523/19623196

TOP

5^# 大中小 young 發表於 2016-5-27 22:12 發短消息

Fiona初戀遭棒打

Fiona昨日為新廣播劇拍宣傳海報。

薛凱琪（Fiona）、湯駿業和王貽興昨日在柴灣為商台廣播劇《寂寞的總和》拍攝宣傳海報，該劇由林珊珊大女李澄（西瓜）聲演、王貽興編劇，Fiona與湯駿業飾演一對有曖昧關係的同學，二人自畢業後就沒再見，直到結婚才重遇。

（左起）王貽興、Fiona、湯駿業及西瓜將在新廣播劇中合作。

Fiona笑指看到劇本後，有種回到初戀的感覺：「當時好純真，個男仔追我，因為係初戀，大家都好緊張，後來我同個男仔講，怕影響學業，叫個男仔等我考完試先發展。自此個男仔真係冇再聯絡我，直至考完試，我哋先喺埋一齊，但因父母反對，段感情就冇咗啦！當時我都好傷心，要好耐先平復到心情。」

採訪：黃曉妍
攝影：陳慧安
from:http://hk.apple.nextmedia ... 160525/19625770

TOP

6^# 大中小 young 發表於 2016-5-27 22:26 發短消息

薛凱琪加印EP送唇印

Fiona大熱天時穿上長袖衞衣，為新歌宣傳。

薛凱琪（Fiona）昨日在灣仔dbc數碼電台宣傳新歌《MISS FIONA》，她特意穿上印有新歌名的衣服現身，Fiona說：「大家留意我微博，到時玩遊戲就有機會得到呢件衞衣，不過最大獎品係一盞有人咁高嘅『F』燈，盞燈同我一齊出過騷。」她表示新歌一出，引起不少迴響，現加印多100隻單曲碟：「其中有啲碟入面有我嘅唇印，真係睇你好唔好彩喇！」

Fiona早前穿上性感泳衣拍攝歌曲MV，問到開騷時會否同樣性感？她說：「泳衣外面加件男裝外套性感、定係南灣啲人性感啲？可能大家未見過我性感，其實做騷好容易走光，又或者我着番MV入面另一個洗碗裝。」

採訪、攝影：黃曉妍
from:http://hk.apple.nextmedia ... 160526/19627279

TOP