現年21歲的樂壇新人岑日珈（Angie）畢業後投身娛樂圈發展，入行前她在父母於土瓜灣經營水果店幫手榨果汁、搬貨一腳踢，長大後為免父母太操勞，堅持外闖捱世界，自給自足，不過平時有時間，便會落舖頭幫手。近日岑日珈卻捱出病來，子宮長了7cm的不良指數水瘤，嚇得她不知所措，為免病情惡化，月內會入院接受手術。
岑日珈感謝一班街坊關心她的病情。
執貨收錢完全難不到岑日珈。
岑日珈榨果汁非常熟手。
拒問父母攞錢
對於細細個已接觸生果刀，岑日珈持刀切水果時手起刀落，完全無難度，她笑言：「其實我手瓜好有力，細細個已經可以搬起一箱蘋果，讀小學嗰陣想多啲零用錢，就落舖幫老竇手，20蚊一個鐘。」其後岑日珈加入娛樂圈，頭一年收入不多，仍然靠父母接濟，幸好目前終於穩定下來，她說：「開始穩定收入，大約每月5位數，終於唔使問爸爸媽媽攞零用錢，已經好滿意，想再好啲。雖然我冇繼承父業，但一定會幫手，如真係太攰會休息，唔算太辛苦，都係收錢、榨汁、切生果，而且同啲街坊好熟，有份感情。」
首次做女主角
提到早前驗出子宮生巨瘤，岑日珈坦言今個月底會入院做微創手術，她亦已有心理準備：「之前報導出咗，好多街坊問我屋企人乜嘢事，好擔心，其實只係水瘤有不良指數，未到惡劣cancer，但醫生都叫我盡快做手術。初時知道都好驚，乜都唔識，𠵱家有心理準備去做呢個小手術。」至於今年的工作安排，她稍後會為第一次擔任主角葉念琛電影《PG戀愛指引》宣傳，亦為電影唱主題曲和插曲，歌影雙線發展。
採訪：卓寶花
from:
http://hk.apple.nextmedia ... 160115/19452312
