周秀娜主動蹺坤哥手臂影相，嚇得坤哥眼鏡又起霧（小圖）。
周秀娜、吳業坤、狄易達、莊思敏、莊思明、張惠雅（Regen）、黃又南及黃紫盈等，昨日在啟德出席東華慈善嘉年華活動，原先大會準備安排藝人挑戰會場內最刺激的機動遊戲陀飛輪，但最終因天雨關係，而取消該試玩環節。一直視娜姐為女神的坤哥，被要求拖娜姐手影合照時，即時尷尬面紅兼再次眼鏡起霧，反而是娜姐主動蹺坤哥臂彎，坤哥被指生硬，他竟即時望向自己的褲襠說：「冇呀！」
坤哥眼鏡起霧已成為一種標記。資料圖片
黃紫盈出席活動時表示感情生活健康。
昨日因天雨關係而取玩機動遊戲陀飛輪，眾人只能坐着擺甫拍照。
娜姐大讚可愛
坤哥透露兩年前和娜姐合作拍節目後就沒見面：「見到娜姐好緊張，好開心，大家少見面，見Kay（謝安琪）多過見娜姐，我好偽毒，好欣賞佢言行同演出，當佢係好好前輩，佢依然青春可人。」坤哥還笑言不敢問娜姐電話號碼：「我怕忍唔住會係咁WhatsApp佢，而一份感情唔係建立喺抄牌上，唔需要經常溝通。」問到何時才夠膽拖娜姐玉手，坤哥坦言：「有機會玩機動遊戲嘅時候就拖佢，我知仍需努力。」
娜姐笑言跟坤哥兩年一別如隔三秋，又讚坤哥是可愛男：「好多人鍾意佢，見到佢好開心，佢攞咗好多獎好開心，仲送咗隻碟畀我。」坤哥早前受訪將娜姐由女神第1位降至第3位，排在謝安琪及黃翠如之後，娜姐大方回應：「我哋少見面，感情係需要時間，我好榮幸係佢三個女神其中一個。」問到如果坤哥追求可會接受，她即說：「佢追我先至算啦！佢係好有風度嘅男仔。」此外，黃紫盈曾被影到和一位四眼男拍拖，她即低調回應有健康的感情生活。
採訪：張俊銘
攝影：陳俊強
from:
http://hk.apple.nextmedia ... 160117/19455352
